|
|
 |
| (GMT+08:00)
2005-08-11 20:26:12
|
 |
|
ເຈົ້າໜ້າທີ່ສ.ເກົາຫຼີກ່າວວ່າສ.ປ.ປ.ເກົາຫຼີມີສິດນຳໃຊ້ພະລັງງານນີວເຄຼຍເຂົ້າໃນທາງສັນຕິພາບ
cri
ຕາມຂ່າວສານຊິນຮວາ,ວັນທີ11ສິງຫາ,ທ່ານຈຸງດົງຢົງ ລັດຖະມົນຕີກະຊວງເອກະພາບສ.ເກົາຫຼີກ່າວວ່າ,ສ.ປ.ປ.ເກົາຫຼີຄວນມີສິດທຳມະດາທີ່ນຳໃຊ້ພະລັງງານນີວເຄຼຍເຂົ້າໃນທາງສັນຕິພາບ,ເຊິ່ງລວມທັງກະສິກຳ,ການປິ່ນປົວແລະການຜະລິດໄຟຟ້າແລະອື່ນໆ.
ໃນເວລາໃຫ້ສຳພາບຕໍ່ເວບໄຊDAUMເຊິ່ງເປັນເວບໄຟທີ່ມີອິດທິພັນກວ່າໝູ່ຂອງສ.ເກົາຫຼີ,ທ່ານຈຸງດົງຢົງກ່າວວ່າ,ການກໍ່ສ້າງເຄື່ອງປະຕິກອນນ້ຳທາດເບົາແມ່ນສິດທຳມະດາ,ທະແນມແຕ່ສ.ປ.ປ.ເກົາຫຼີກັບຄືນສູ່ສົນທິສັນຍາບໍ່ແຜ່ຜາຍອາວຸດນີວເຄຼຍ,ແລະຮັບເອົາການກວດກາຂອງອົງການພະລັງງານປະລະມານູສາກົນ,ກໍຄວນມີສິດໃນຖານະເປັນປະເທດສະມາຊິກຂອງສົນທິສັນຍາບໍ່ແຜ່ຜາຍອາວຸດນີວເຄຼຍ.ທ່ານກ່າວວ່າ,ອາເມລິກາມີຫຼັກໝັ້ນຕ່າງກັນໃນບັນຫານີ້.
ທ່ານຈຸງດົງຢົງຍັງກ່າວວ່າ,ຈຸດສຸມແຫ່ງການໂຕ້ຖຽງກັນໃນການເຈລະຈາຫົກຝ່າຍຮອບສີ່ທີ່ຈັດຂຶ້ນຢູ່ປັກກິ່ງໃນຫວ່າງກ່ອນນີ້ບໍ່ດົນໄດ້ປ່ຽນມາເປັນບັນຫາທີ່ສ.ປ.ປ.ເກົາຫຼີຈະນຳໃຊ້ພະລັງງານນີວເຄຼຍເຂົ້າໃນທາງສັນຕິພາບໄດ້ຫຼືບໍ່.ນີ້ສະແດງໃຫ້ເຫັນວ່າຄວາມຫຍຸ້ງຍາກໃນການແກ້ໄຂບັນຫານີວເຄຼຍແຫຼມເກົາຫຼີໄດ້ຫຼຸດໜ້ອຍລົງຢ່າງຫຼວງຫຼາຍແລ້ວ.
|
|
|
