|
|
 |
| (GMT+08:00)
2005-08-12 11:22:07
|
 |
|
ກະດູກຫັກບໍ່ແນ່ນອນວ່າຈະຕ້ອງບຳລຸງການຊຽມ
cri
 ຫຼາຍຄົນເມື່ອກະດູກຫັກແລ້ວ,ກໍ່ຄິດວ່າຈະຕ້ອງບຳລຸງການຊຽມ. ຜູ່ຊ່ຽວຊານແພດສາດກ່າວວ່າ,ນອກຈາກຜູ້ເຖົ້າທີ່ເປັນພະຍາດກະດູກຜ່ອຍແລ້ວ,ຜູ່ທີ່ກະດູກຫັກທົ່ວໄປ,ແມ່ນບໍ່ຈຳເປັນບຳລຸງການຊຽມເປັນພິເສດດອກ,ທຳມະດາແລ້ວ,ການຊຽມທີ່ມີຢູ່ໃນອາຫານປົກກະຕິກໍ່ພໍທີ່ຈະບຳລຸງຄວາມຕ້ອງການຂອງຮ່າງກາຍແລ້ວ. ນີ້ຍ້ອນວ່າ,ກະດູກຫັກສ່ວນຫຼາຍແມ່ນເກີດຂື້ນຍ້ອນຖືກບາດເຈັບຫຼືພະຍາດອື່ນໆ,ບໍ່ແມ່ນຍ້ອນຮ່າງກາຍຂາດການຊຽມ. ກົງກັນຂ້າມ,ເມື່ອກະດູຫັກແລ້ວ,ບ່ອນທີ່ຫັກຍັງຈະລະບາຍການຊຽມອອກມາຢ່າງຫຼວງຫຼາຍ.ພ້ອມກັນນັ້ນ ຍ້ອນວ່າຜູ່ບາດເຈັບຕ້ອງນອນເທິງຕຽງເປັນເວລາຍາວນານ,ມັກຈະເຮັດໃຫ້ການຊຽມໃນໝົດຄີງຫຼືໃນສ່ວນໃດສ່ວນໜື່ງເສື່ອມເສຍ,ການຊຽມເຫຼົ່ານີ້ຈະຖືກຮັບເອົາເຂົ້າໃນເລືອດ,ເຮັດໃຫ້ການຊຽມໃນເລືອດສູງຂື້ນ,ການຂັບຖ່າຍຂອງໝາກໄຂ່ຫຼັງຫາບແບກໜັກຂື້ນ. ຖ້າກີນການຊຽມເຂົ້າໄປອີກຢ່າງຫຼວງຫຼາຍ,ຈະພາໃຫ້ນໍ້າປັດສະວະມີການຊຽມຫຼາຍ,ເຊິ່ງຈະເປັນມູນເຫດສຳຄັນທີ່ພາໃຫ້ໝາກໄຂ່ຫຼັງເປັນໜິ້ວ.
ບາງຄົນນຶກວ່າ,ການບຳລຸງການຊຽມຫຼາຍເທົ່າໃດແຮ່ງດີ,ຄວາມຈິງແລ້ວ,ຄົນເຈັບທີ່ກະດູກຫັກນັ້ນກີນຕາມໜັງສືແນະນຳກໍ່ພໍແລ້ວ. ຖ້າກີນການຊຽມຫຼາຍເກີນໄປ,ອາດຈະພາໃຫ້ວິຕາມິນເດຫຼາຍເກີນໄປບໍ່ພຽງແຕ່ຈະເຮັດໃຫ້ກະດູກແຂງຕົວຍ້ອນເກືອການຊຽມໄວເຂົ້າເທົ່ານັ້ນ,ຍັງອາດຈະພາໃຫ້ເປັນພະຍາດເລືອດການຊຽມສູງ,ແລ້ວພາໃຫ້ເປັນພະຍາດຖືກພິດຫຼາຍຢ່າງເຊັ່ນກ້າມເນື້ອປະສາດສົນລະວົນເປັນຕົ້ນ.
ນອກນີ້, ການຊຽມຫຼາຍເກີນໄປຍັງອາດຈະພາໃຫ້ທອ້ງຜູກແລະຄວາມດັນເລືອດຕໍ່າເປັນຕົ້ນ. ຜູ່ຊ່ຽວຊານແພດສາດເວົ້າວ່າ,ທີ່ຈິງແລ້ວ,ການພະຍາບານກະດູກຫັກລວມມີຫຼາຍດ້ານດັ່ງລຸ່ມນີ້ຄື:
ໜຶ່ງ/ເມື່ອກະດູກຫັກແລ້ວຕ້ອງເລືອກເອົາວິທີປິ່ນປົວທີ່ຖືກຕ້ອງ.
ສອງ/ ແມ່ນປັດໃຈທີ່ກະທົບກະເທືອນກະດູກຈອດກັນດີນັ້ນມີຫຫຼາຍດ້ານ,ເຊັ່ນອາຍຸ,ສະພາບທາດບຳລຸງ,ການສະໜອງເລືອດໃຫ້ບ່ອນກະດູກຫັກ,ສະພາບຄົງຕົວກະດູກທີ່ຫັກ,ມີພະຍາດອື່ນເກີດຂື້ນພ້ອມກັນຫຼືບໍ່.ຖ້າບໍ່ມີປັດໃຈທີ່ກະທົບກະເທືອນເຖິງກະດູກຈອດກັນແລ້ວ,ເອົາໃຈໃສ່ໃຫ້ມີທາດບຳລຸງຮອບດ້ານແລະສະໝໍ່າສະເໝີກໍ່ພໍແລ້ວ
ສາມ/ແມ່ນກະດູກຫັກໃນບ່ອນຕ່າງກັນເວລາມັນຈອດດີຄືນແມ່ນບໍ່ຄືກັນ,ຄວນເອົາໃຈໃສ່ອີງຕາມສະພາບຄົງຕົວມາກຳນົດນ້ຳໜັກທີ່ຫາບແບກແລະເວລາຫັດກາຍ,ສິ່ງທີ່ຄວນກ່າວເນັ້ນນັ້ນແມ່ນ,ຄົນເຈັບທີ່ກະດູກຫັກຄວນກວດສະພາບກະດູກຕິດຈອດກັນຕາມເວລາທີ່ນາຍໝໍສັ່ງໄວ້,ເພື່ອປະກົດເຫັນບັນຫາຢ່າງທັນການແລະຊຳລະແກ້ໄຂໂດຍໄວ.
ແຕ່ຖ້າມີສະພາບສອງຢ່າງດັ່ງລຸ່ມນີ້,ຄວນແລະຕ້ອງບຳລຸງການຊຽມຢ່າງເໝາະສົມ.
ໜຶ່ງ/ແມ່ນຜູ່ເປັນພະຍາດກະດູກຜ່ອຍລັກສະນະໄວສະລາ.ຍອດປະລິມານກະດູກຂອງຜູ່ໃຫຍ່ຈະຫຼຸດໜ້ອຍລົງປີລະ 1%,ວັດຖຸທາດແຮ່ອື່ນໆແລະວັດຖຸພື້ນຖານຂອງກະດູກກໍ່ຫຼຸດໜ້ອຍລົງພ້ອມກັນ,ແລ້ວພາໃຫ້ກະດູກຜ່ອຍ,ຄວາມແຂງຂອງກະດູກກໍ່ເຊື່ອມລົງ. ບາງຄົນລົ້ມບ່ອນຮາບພຽງຫຼືພຽງແຕ່ເຄັດບາດດຽວເທົ່ານັ້ນ,ກໍ່ອາດຈະພາໃຫ້ກະດູກຫັກ. ກະດູກຫັກປະເພດນີ້,ນອກຈາກປົວທຳມະດາແລ້ວ,ຍັງຕ້ອງບຳລຸງການຊຽມເພື່ອປົວພະຍາດກະດູກຜ່ອຍ.
ສອງ/ແມ່ນຄົນເຈັບທີ່ເຄີຍຜ່າຕັດກະເພາະສ່ວນໃຫຍ່,ຄົນເຈັບປະເພດນີ້,ຖ້າກະດູກຫັກບໍ່ບຳລຸງການຊຽງແລ້ວ,ກະດູກອາດຈະປົ່ງຊ້າແລະບໍ່ໝັ້ນຄົງ.
ທ່ານເສີນຊ່າງກາງ ຫົວໜ້າພະແນກໂພສະນາການຂອງໂຮງໝໍຈົ່ງຊ່ານເລກສອງກວາງໂຈວຈີນແນະນຳວ່າ,ການບຳລຸງກດານຊຽມມີຫຼາຍດ້ານດັ່ງລຸ່ມນີ້ຄື:
ໜຶ່ງ/ ແມ່ນອາຫານປະເພດນົມ.ກີນນົມງົວມື້ລະ 250 ມິລິລິດກໍ່ຈະໄດ້ຮັບການຊຽມ 250 ມີລີກຼາມ. ນ້ຳນົມແລະອາຫານທີ່ເຮັດດ້ວຍນ້ຳນົມມີການຊຽມຫຼາຍແລະຮ່າງກາຍຮັບເອົາງ່າຍ,ແມ່ນອາຫານບຳລຸງການຊຽມດີທີ່ສຸດ.
ສອງ/ແມ່ນກຸ້ງນ້ອຍ. ສັດນ້ຳມີການຊຽມອຸດົມສົມບູນ,ໂດຍສະເພາະແມ່ນປະເພດກຸ້ງນ້ອຍແລະປານ້ອຍທີ່ກີນໄດ້ທັງກ້າງ.
ສາມ/ແມ່ນອາຫານເຮັດດ້ວຍໝາກຖົ່ວເຫຼືອງແລະຜັກໃບຂຽວ. ຕົວຢ່າງຄືຜັກກາດນາແລະຜັກກະລໍ່າປີດອກເປັນຕຕົ້ນມີການຊຽມຫຼາຍ,ແຕ່ມີກົດອອກຊາລິກໜ້ອຍ,ຜັກຕີນເປັດເຖິງວ່າມີການຊຽມຫຼາຍ,ແຕ່ກົດອອກຊາລິກຫຼາຍ,ຮ່າງກາຍຈຶ່ງຮັບເອົາຍາກແດ່.
ສີ່/ແມ່ນແສງແດດ. ລັງສີອຸ່ນຕຼາວີໂອເລໃນແສງແດດສາມາດເຮັດໃຫ້ຜິວໜັງກຳເນີດວິຕາມິນເດ,ວິຕາມິນເດທຳມະຊາດຊະນິດນີ້ບໍ່ເກີນປະລິມານຈັກເທື່ອ,ແລະຍັງສາມາດຊ່ວຍໃຫ້ຮ່າງກາຍຮັບເອົາການຊຽມ.
ຫ້າ/ແມ່ນຫັດກາຍ. ຫັດກາຍສາມາດເຮັກໃຫ້ກະດູກຖີ່ຖ້ວນແຂງແຮງ,ແລະສຸກຮູ້ໃຫ້ຮ່າງກາຍຮັບເອົາການຊຽມໄດ້ເປັນຢ່າງດີ.
ຫົກ/ແມ່ນທາດການຊຽມແລະຢາວິຕາມິນເດ. ອີງຕາມຄວາມຕ້ອງການຂອງຮ່າງກາຍ,ກີນຢາການຊຽມແລະວິຕາມິນເດແດ່ກໍ່ໄດ້,ເຊັ່ນ:ກີນເຂົ້າບໍ່ແຊບ,ແມ່ມານ,ແມ່ລູກອ່ອນ,ຜູ່ສູງອາຍຸ,ເດັກນ້ອຍທີ່ເຕີບໃຫຍ່ໄວແລະເດັກນ້ອຍທີ່ຣິຂອງກີນ.
|
|
|
