ຕາມ​ຂ່າວ​ສານ​ຊິນ​ຮວາ: ວັນ​ທີ 11 ສິງຫາ, ​ເຂດ ​ເສດຖະກິດ​ພິ​ເສດແຫ່ງ​ທຳ​ອິດ​ຂອງ​ກຳປູ​ເຈຍ​ໄດ້​ເລີ່​ມລົງມື​ກໍ່ສ້າງ​ຢູ່​ແຂວງສະ​ເວ​ລຽງທີ່​ຢູ່​ຊາຍ​ແດນ​ກຳ​ປູ​ເຈຍ​ຫວຽດນາມ​ຢ່າງ​ເປັນ​ທາງ​ການ. ທ່ານຮຸນ​ເຊ​ນ ນາຍົກລັດຖະມົນຕີກຳປູ​ເຈຍ​ໄດ້​ເຂົ້າ​ຮ່ວມ​ພິ​ທິ​ເລີ່​ມສ້າງ​ແລະ​ກ່າວ​ຄຳ​ປາ​ໄສ.

​ເຂດ​ເສ​ດຖະກິດພິ​ເສດ​​ຕັ້ງ​ຢູ່​ແຂວງສະ​ເວ​ລຽງທີ່ຢູ່​ພາກ​ຕາ​ເວັນ​ອອກ​ພະນົມ​ເປັນ​ ນະຄອນຫຼວງ​ກຳປູ​ເຈຍປະມານ 160 ກິ​ໂລ​ແມັດ, ​​ເນື້ອ​ທີ່​​ໃນແຜນ​ຜັງ​ແມ່ນ 240 ​ເຮັກຕາ, ​ພັດທະນາ​ກໍ່ສ້າງ​ໂດຍ​ແບ່ງ​ອອກ​ເປັນ 3 ​ໄລຍະ​.

ຕາມ​ໄດ້​ຊາບ, ວິ​ສາ​ຫະກິດ​ທີ່​ລົງທຶນ​ໃນ​ເຂດ​ເສດຖະກິດ​ພິ​ເສດ​ຈະ​ໄດ້​ຮັບ​ນະ​ໂຍບາຍ​ສິດທິ​ພິ​ເສດ​ຕ່າງໆ​ທີ່​ລັດຖະບານ​ສະໜອງ​ໃຫ້​ໃນ​ດ້ານ​ພາສີ ການ​ນຳ​ເຂົ້າອຸປະກອນ ​ແລະ​ວັດຖຸ​ດິບ​ແລະ​ສົ່ງ​ອອກຜະລິດ​ຕະພັນ​ເປັນ​ຕົ້ນ.

​ໃນ​ເວລາ​ກ່າວ​ຄຳ​ປາ​ໄສ ທ່ານ​ຮຸນ​ເຊ​ນ​ໄດ້​ຊົມ​ເຊີຍນັກ​ທຸລະ​ກິດ​ຕ່າງປະ​ເທດ​ຍິງ​ຫຼາຍ​ກວ່າ​ເກົ່າ​ມາ​ເຂົ້າ​ຮ່ວມ​ການ​ກໍ່ສ້າງ​ແລະ​ການ​ພັດທະນາ​ຂອງ​ກຳປູ​ເຈຍ.