|
|
 |
| (GMT+08:00)
2005-08-12 21:06:18
|
|
ອິນໂດເນເຊຍແລະມາເລເຊຍຕົກລົງໃຊ້ວິທີເຮັດຝົນທຽມເພື່ອດັບໄຟໄໝ້ປ່າ
cri
Author: da
ຕາມຂ່າວສານຊິນຮວາ ວັນທີ11ສິງຫາ ລັດຖະບານອິນໂດເນເຊຍແລະລັດຖະບານມາເລເຊຍໄດ້ເຊັນສັນຍາ ຕົກລົງໃຊ້ວິທີເຮັດຝົນທຽມດັບໄຟໄໝ້ປ່າໃນດິນແດນອິນໂດເນເຊຍ ເພື່ອຫຼຸດຄວັນໄຟທີ່ປົກຫຸ້ມທ້ອງຟ້າຂອງກົວລາລຳເບີ ນະຄອນຫຼວງມາເລເຊຍແລະເຂດຊານເມືອງ.
ສັນຍາດັ່ງກ່າວແມ່ນເຈົ້າໜ້າທີ່ຊັ້ນສູງກະຊວງປ່າໄມ້ແລະກະຊວງສິ່ງແວດລ້ອມຂອງທັງສອງປະເທດເຊັນກັນໃນເວລາຈັດການເຈລະຈາດ່ວນແກ້ໄຂວິກິດການຢູ່ແຂວງຊຸມັດຕຼາເໜືອແຫ່ງອິນໂດເນເຊຍ.
ໃນສອງອາທິດມານິ້ ຢູ່ເກາະຊຸມັດຕຼາແລະແຫ່ງອື່ນໆຂອງອິນໂດເນເຊຍໄດ້ເກີດໄຟໄໝ້ປ່າເປັນລຳດັບ ຄວັນໄຟທີ່ເກີດຈາກໄຟໄໝ້ປ່າໄດ້ປົກຫຸ້ມປະເທດໃກ້ຄຽງຢ່າງວ່ອງໄວ ໃນນັ້ນ ມາເລເຊຍຖືກຜົນຮ້າຍໜັກໜ່ວງທີ່ສຸດ ເດີ່ນຍົນແລະທ່າກຳປັ່ນບາງແຫ່ງຂອງມາເລເຊຍຈຳເປັນຕ້ອງປີດ ໂຮງຮຽນກໍ່ຢຸດຮຽນ.
|
|
|
