|
ລັດຖະບານສ.ເກົາຫຼີບັນລະຍາຍຫຼັກໝັ້ນຂອງຕົນອີກໃນບັນຫາທີ່ສ.ປ.ປ.ເກົາຫຼີນຳໃຊ້ພະລັງງານນີວເຄຍເຂົ້າໃນທາງສັນຕິພາບ
cri
ຕາມຂ່າວCRI,ວັນທີ12ສິງຫາ, ລັດຖະບານສ.ເກົາຫຼີບັນລະຍາຍຫຼັກໝັ້ນຂອງຕົນ ອີກໃນບັນຫາທີ່ສ.ປ.ປ.ເກົາຫຼີນຳໃຊ້ພະລັງງານນີວເຄຍເຂົ້າໃນທາງສັນຕິພາບ,ທັງກ່າວວ່າຖ້າຫາກສ.ປ.ປ.ເກົາຫຼີກັບຄືນສູ່ສົນທິສັນຍາບໍ່ແຜ່ຜາຍອາວຸດນີວເຄຼຍ,ແລະປະຕິບັດພັນທະສາກົນອື່ນໆຢ່າງເຄັ່ງຄັດ,ສ.ປ.ປ.ເກົາຫຼີກໍຄວນມີສິດນຳໃຊ້ພະລັງງານນີວເຄຼຍເຂົ້າໃນທາງສັນຕິພາບ.
ໃນເວລາໃຫ້ສຳພາດຕໍ່ນັກຂ່າວຢູ່ເຊອຸນ ທ່ານໂຈໄທຢົງ ຮອງຫົວໜ້າຄະນະຜູ້ແທນສ.ເກົາຫຼີທີ່ເຂົ້າຮ່ວມການເຈລະຈາຫົກຝ່າຍກ່ຽວກັບບັນຫານີວເຄຼຍແຫຼມເກົາຫຼີກ່າວວ່າ,ປັດຈຸບັນ,ມີສື່ມວນຊົນຈຳນວນໜຶ່ງລາຍງານວ່າ,ສ.ເກົາຫຼີພວມກຽມ ຊັກຊວນໃຫ້ບັນດາຝ່າຍທີ່ກ່ຽວຂ້ອງຂອງການເຈລະຈາຫົກຝ່າຍເຊັ່ນອາເມລິກາເປັນຕົ້ນອະນຸຍາດໃຫ້ສ.ປ.ປ.ເກົາຫຼີດຳເນີນການເຄື່ອນໄຫວນີວເຄຼຍທາງສັນຕິພາບ.ແຕ່ການລາຍງານຂ່າວເຫຼົ່ານີ້ບໍ່ໄດ້ກ່າວເຖິງເງື່ອນໄຂເບື້ອງຕົ້ນທີ່ສ.ເກົາຫຼີໄດ້ກ່າວເນັ້ນໂດຍຕະຫຼອດ,ນີ້ແມ່ນບໍ່ຮັບຜິດຊອບທີ່ສຸດ.
|
|
