ຕາມ​ຂ່າວສານ​ຊິນ​ຮວາ: ວັນ​ທີ 13 ສິງຫາ, ທ່ານ​ທາລາ​ບາ​ນີ ປະທານາທິບໍດີ​ອີ​ຣັກ​ກ່າວ​ວ່າ, ຫວັງ​ໃຫ້​ບັນດາ​ຝ່າຍ​ທີ່​ເຂົ້າຮ່ວມ​ການ​ຮ່າງ​ລັດຖະທຳ​ມະນູນ​ອີຣັກສາມາດ​ສຳ​ເລັດ​ວຽກ​ງານ​ຮ່າງ​ລັດ​ຖະ​ທຳ​ມະນູນ​ທາງ​ການ​​ໃນ​ວັນ​ທີ 14 ສິງຫາ.

ທ່ານ​ທາລາ​ບາ​ນີກ່າວ​ວ່າ, ບັນດາ​ຝ່າຍ​ໄດ້​ແກ້​ໄຂ​ຫຼາຍບັນຫາແລ້ວ, ​ແຕ່​ຍັງ​ມີ​ຄວາມ​ເຫັນ​ຂັດ​ກັນ​ໃນ​ບາງ​ບັນຫາ. ທ່ານ​ຫວັງ​ໃຫ້​ບັນດາ​ຝ່າຍ​ສາມາດ​ສຳ​ເລັດ​ວຽກ​ງານ​ຮ່າງ​ລັດ​ຖະ​ທຳ​ມະ​ນູນໃນ​ວັນ​ທີ 14 ສິງຫາ. ຕາມ​ໄດ້​ຊາບ, ບັນຫາ​ທີ່​ຍັງ​ປຶກສາ​ຫາລື​ກັນ​ຢູ່​ໃນ​ສະ​ເພາະ​ໜ້າ​ນີ້​ລວມ​ມີ​ບັນຫາຈະ​ປະຕິບັດ​ລະບອບ​ສະຫະພັນຢູ່​ພາກ​ໃຕ້​ອີຣັກຫຼືບໍ່​ ​ແລະ​ຖານະ​ຂອງສາ​ສະ​ໜາ​ອິສ​ລາມ​ໃນ​ລະບົບ​ກົດໝາຍຄະຕິ​ໂລກ​ເປັນຕົ້ນ.

ຜູ່​ສັນທັດ​ກໍລະນີ​ກ່າວ​ວ່າ, ​ໃນ 18 ຂໍ້​ທີ່​ມີ​ການ​ຖົກ​ຖຽງຫຼາຍ​ກວ່າ​ໝູ່​ໃນ​ຂໍ້​ມາດຕາ​ຮ່າງ​ລັດ​ຖະທຳ​ມະນູນ, ມີ 14 ຂໍ້​ໄດ້​ລົງ​ຮອຍ​ກັນ​ແລ້ວ.