|
ຕາມຂ່າວສານຊິນຮວາ: ວັນທີ 13 ສິງຫາ ທ່ານບຸສ ປະທານາທິບໍດີອາເມລິກາໄດ້ກ່າວເນັ້ນອີກເທື່ອໜຶ່ງວ່າ, ເນື່ອງຈາກຄວາມລຳບາກຂອງສົງຄາມຕ້ານລັດທິກໍ່ການຮ້າຍແລະອີຣັກສ້າງລັດຖະທຳມະນູນເປັນຕົ້ນ, ກອງທະຫານອາເມລິກາຈຶ່ງບໍ່ຫ່ອນຖອນອອກຈາກອີຣັກກ່ອນເວລາກຳນົດ.
ໃນເວລາກ່າວຄຳປາໄສທາງວິທະຍຸກະຈາຍສຽງອາທິດລະເທື່ອໃນວັນທີ 13, ທ່ານບຸສກ່າວວ່າ, ການຖອນທະຫານອອກຈາກອີຣັກໄວເກີນໄປຈະເປັນການຫັກຫຼັງປະຊາຊົນອີຣັກ, ອາເມລິກາຖອນທະຫານກ່ອນກອງທະຫານຮັກສາຄວາມປອດໄພຂອງອີຣັກຮັບຄຸ້ມຄອງວຽກງານຄວາມປອດໄພຂອງອີຣັກທັງໝົດຍັງຈະເປັນໄພອັນຕະລາຍຕໍ່ຄວາມປອດໄພບົນດິນແດນອາເມລິກາ. ທ່ານກ່າວວ່າ, ກໍ່ຍ້ອນວ່າອາເມລິກາໄດ້ຮັກສາທ່າບຸກຢູ່ແນວໜ້າສົງຄາມຕ້ານລັດທິກໍ່ການຮ້າຍທີ່ອີຣັກແລະອາຟການິສຖານເປັນຕົ້ນ, ຈຶ່ງເຮັດໃຫ້ອາເມລິກາບໍ່ໄດ້ປະເຊີນກັບການຂົ່ມຂູ່ຂອງພວກກໍ່ການຮ້າຍບົນດິນແດນປະເທດຕົນ.
|
