|
|
 |
| (GMT+08:00)
2005-08-16 15:02:22
|
 |
|
ຈີນຈະວາງມາດຕະການໃໝ່ຊຸກຍູ້ການພົວພັນລະຫວ່າງສອງຝັ່ງໃຫ້ຂະຫຍາຍຕົວອອກ
cri
Author: zhangshuo
ຂ່າວສານຊິນຮວາລາຍງານວ່າ:ວັນທີ 15 ສິງຫາ,ງານສຳມະນາວິຊາການທັນສະໄໝຈີນຂອງສອງຝັ່ງຮ່ອມທະເລຄັ້ງທີ11ໄດ້ໄຂຂຶ້ນຢູ່ທີ່ເມືອງເຊ້ຍເມີນຂອງແຂວງຟູຈ້ຽນຂອງຈີນ.ໃນພິທີໄຂງານ,ທ່ານຊຸ່ນຢາຟູ່ ຮອງຫົວໜ້າຫ້ອງການວຽກງານໄຕ້ຫວັນຂອງຄະນະລັດ ຖະບານຈີນເຜີຍໃຫ້ຮູ້ວ່າ,ແຜ່ນດິນໃຫຍ່ຈະຄົ້ນຄວ້າແລະວາງມາດຕະການໃໝ່ຈຳນວນໜຶ່ງທີ່ເພີ່ມທະວີການແລກປ່ຽນລະຫວ່າງສອງຝັ່ງ ປົກປັກຮັກສາຜົນປະໂຫຍດຂອງພີ່ນ້ອງຮ່ວມຊາດໄຕ້ຫວັນ ຊຸກຍູ້ການພົວພັນລະຫວ່າງສອງຝັ່ງມີການຂະຫຍາຍຕົວໂດຍ ສັນຕິພາບແລະໝັ້ນທ່ຽງຕື່ມອີກ.
ທ່ານຊຸ່ນຢາຟູ່ກ່າວວ່າ,ຈະສືບຕໍ່ສົ່ງເສີມແລະຊຸກຍູ້ໃຫ້ພີ່ນ້ອງຮ່ວມຊາດສອງຝັ່ງແລກປ່ຽນແລະໄປມາຫາສູ່ກັນ,ຮ່ວມມືກັນຮອບດ້ານໃນດ້ານເສດຖະກິດ,ຊຸກຍູ້ໃຫ້ອົງການຂະແໜງການດຽວກັນຂອງປະຊາຊົນສອງຝັ່ງປຶກສາຫາລືກັນກ່ຽວກັບບັນຫາເໝົາຍົນເພື່ອຂົນສົ່ງຄົນແລະຂົນສົ່ງສິນຄ້າ,ຊຸກຍູ້ໃຫ້ສອງຝັ່ງໄປມາຫາສູ່ກັນໂດຍກົງໃນດ້ານການເດີນເຮືອ ເດີນອາກາດ ການຄ້າແລະໄປສະນີ.ສືບຕໍ່ແລກປ່ຽນແລະສົນທະນາກັບບັນດາພັກຝ່າຍ ໝູ່ຄະນະແລະບຸກຄົນຕົວແທນຂອງໄຕ້ຫວັນທີ່ເຫັນດີເຫັນພ້ອມນຳມະຕິເອກະສັນປີ 1992,ຄັດຄ້ານໄຕ້ຫວັນເປັນເອກະລາດ,ແລະມີເຈດຈຳນົງໃຫ້ຂະຫຍາຍການພົວພັນລະຫວ່າງສອງຝັ່ງ.ສືບຕໍ່ຊຸກຍູ້ໃຫ້ຟື້ນຟູການສົນທະນາແລະເຈລະຈາລະຫວ່າງສອງຝັ່ງບົນພື້ນຖານມະຕິເອກະສັນປີ1992.
|
|
|
