|
ວົງການຕ່າງໆຂອງນານກິ່ງລະລຶກສົງຄາມປະຊາຊົນຈີນຕໍ່ຕ້ານຍີ່ປຸ່ນກໍຄືສົງຄາມຕໍ່ຕ້ານຟັດຊິດຂອງໂລກໄດ້ຮັບໄຊຊະນະຄົບຮອບ60ປີ
cri
Author: zhangshuo
ຂ່າວສານຊິນຮວາລາຍງານວ່າ:ຕອນຄ່ຳວັນທີ 15 ສິງຫາ, ຢູ່ຫໍລະລຶກພີ່ນ້ອງຮ່ວມຊາດຜູ້ຖືກທະຫານຍີ່ປຸ່ນຜູ້ຮຸກຮານສັງຫານໂຫດຢ່າງຂະໜາດໃຫຍ່ຢູ່ນານກິ່ງ,ບຸກຄົນຕ່າງໆ3ພັນກວ່າຄົນໄດ້ຈັດການເຄື່ອນໄຫວລະລຶກສົງຄາມປະຊາຊົນຈີນຕໍ່ຕ້ານຍີ່ປຸ່ນກໍຄືສົງຄາມຕ້ານຟັດຊິດຂອງໂລກໄດ້ຮັບໄຊຊະນະຄົບຮອບ60ປີຢ່າງໃຫຍ່ໂຕ.
ໃນກອງປະຊຸມ,ທ່ານລໍຈື້ຈຸ່ນ ເລຂາຄະນະພັກນະຄອນນານກິ່ງເວົ້າວ່າ,ໃນສົງຄາມຕໍ່ຕ້ານຍີ່ປຸ່ນ, ນານກິ່ງທີ່ຖືກລັດທິລັດຖະທະຫານຍີ່ປຸ່ນຢຽບຢ່ຳຮ້າຍແຮງກວ່າໝູ່ໄດ້ມີໄທເມືອງສາມັນແລະທະຫານທີ່ວາງອາວຸດ 3 ແສນຄົນຖືກສັງຫານຢ່າງທາລຸນ.ພວກເຮົາຈື່ຈຳປະຫວັດສາດໄວ້ບໍ່ລືມ,ກໍແມ່ນເພື່ອຖະໜອມຫວງແຫນສັນຕິພາບທີ່ໄດ້ມາບໍ່ແມ່ນງ່າຍ.
ຢູ່ໃຕ້ແສງຕາເວັນລົງແລງ,ຜູ້ແທນວົງການຕ່າງໆຂອງນະຄອນນານກິ່ງໄດ້ເຄາະລະຄັງສັນຕິພາບ,ມວນຊົນທີ່ຮ່ວມງານຖືທຽນໄຂແດງ,ຍ່າງວ້ຽນຫໍລະລຶກຮອບໜຶ່ງ,ຈັດພິທີໄວ້ອາໄລ ດ້ວຍແສງທຽນຢູ່ໜ້າກຳແພງລາຍຊື່ຜູ້ປະສົບເຄາະຮ້າຍ,ໄວ້ອາໄລດວງວິນຍານຂອງພີ່ ນ້ອງຮ່ວມຊາດຜູ້ປະສົບເຄາະຮ້າຍ 3 ແສນຄົນ.
|
|
