|
ເຈົ້າໜ້າທີ່ອິສຣາແອນກ່າວວ່າຜູ້ຕັ້ງຖິ່ນຖານເກີນເຄິ່ງໜຶ່ງຖອນອອກຈາກແຖບກາຊາ,ປະຊາຄົມໂລກເອົາໃຈໃສ່ຢ່າງສະໜິດແໜ້ນ
cri
Author: li
ຕາມຂ່າວ CRI: ວັນທີ 16 ສິງຫາແມ່ນມື້ທີສອງທີ່ອິສຣາແອນຖອນອອກຈາກກາຊາ. ເຈົ້າໜ້າທີ່ອິສຣາແອນກ່າວວ່າ,ມີຄອບຄົວຜູ້ຕັ້ງຖິ່ນຖານເກີນເຄິ່ງໜຶ່ງໄດ້ຖອນອອກຈາກກາຊາແລ້ວ. ພ້ອມກັນນັ້ນ ປະຊາຄົມໂລກກໍໄດ້ເອົາໃຈໃສ່ນຳການຂະຫຍາຍຕົວຂອງສະຖານະການປາເລັສຕີນອິສຣາແອນຢ່າງໃກ້ຊິດ.
ວັນທີ 16 ສິງຫາ ທ່ານດານຮາແລນຜູ້ບັນຊາການສູງສຸດໃນການເຄື່ອນໄຫວຖອນອອກແຕ່ຝ່າຍດຽວຂອງທະຫານອິສຣາແອນ ຜູ້ບັນຊາການເຂດທະຫານພາກໃຕ້ເວົ້າວ່າ,ໄດ້ມີຄອບຄົວຜູ້ຕັ້ງຖິ່ນຖານເກີນ 50% ຍ້າຍໜີເອງ. ຕາມຊາບວ່າ,ຕອນຮຸ່ງເຊົ້າວັນທີ 17 ສິງຫາ ທະຫານອິສຣາແອນໄດ້ເລີ່ມປະຕິບັດການບັງຄັບໃຫ້ຖອນໜີຢ່າງເປັນທາງການ,ປາເລັສຕີນແລະອິສຣາແອນຍັງຕ່າງໄດ້ຈັດວາງຕຳຫຼວດແລະທະຫານຢູ່ແຖບກາຊາ.
ໃນຂະນະທີ່ທະຫານອິສຣາແອນຖອນອອກແຕ່ຝ່າຍດຽວນັ້ນ ວັນທີ 16 ສິງຫາ ທ່ານເດວິດ ແວວສ໌ ຜູ້ຊ່ອຍລັດຖະມົນຕີກະຊວງການຕ່າງປະເທດອາເມລິກາໄດ້ໄປຢ້ຽມຢາມກາຊາຢ່າງກະທັນຫັນ,ເຕືອນໃຫ້ປາເລັສຕີນແລະອິສຣາແອນປະສານງານກັນໃຫ້ດີກວ່າເກົ່າໃນການເຄື່ອນໄຫວຖອນອອກຈາກກາຊາ.
ວັນທີ 16 ສິງຫາ ນາຍົກລັດຖະມົນຕີຊອກດານີໄດ້ສະແດງຄວາມຊົມເຊີຍຕໍ່ເລື່ອງອິສຣາແອນຖອນອອກຈາກແຖບກາຊາ. ມື້ດຽວກັນ ລັດຖະມົນຕີການຕ່າງປະເທດມາເລເຊຍກໍໄດ້ກ່າວວ່າ,ອິສຣາແອນຖອນອອກແຕ່ຝ່າຍດຽວເປັນການຢ່ວງບາດກ້າວນ້ອຍເພື່ອແກ້ໄຂການປະທະກັນລະຫວ່າງປາເລັສຕີນກັບອິສຣາແອນ.
|
|
