|
ໜັງສືພິມໜັງຟັງຢື້ປ້າວລາຍງານວ່າ: ວັນທີ 16 ສິງຫາໃນກອງປະຊຸມເວທີປາໄສການຮ່ວມມືການປະມົງຈີນ-ອາຊຽນທີ່ຈັດຂຶ້ນຢູ່ກວາງໂຈ, ຜູ່ແທນອາຊຽນແລະຜູ່ແທນຈີນທີ່ມາຈາກເຂດກວາງຊີ ແຂວງຟູຈຽນ ແຂວງໄຫຫຼຳ ແຂວງຢຸ່ນນານແລະແຂວງກວາງຕຸ້ງໄດ້ສຳມະນາການຮ່ວມມືຢ່າງກວ້າງຂວາງໃນຂົງເຂດການປະມົງລະຫວ່າງອາຊຽນກັບຈີນ. ຂະແໜງການການປະມົງແຂວງກວາງຕຸ້ງສະເໜີເອົາການຄຸ້ມຄອງຄວາມປອດໄພຜະລິດຕະພັນນ້ຳແລະເພີ່ມທະວີການໄປມາຫາສູ່ກັນການຊື້ຂາຍຜະລິດຕະພັນນ້ຳລະຫວ່າງພາກພື້ນເປັນຈຸດໜັກຂອງການຮ່ວມມືໃນຂົງເຂດການປະມົງລະຫວ່າງແຂວງກວາງຕຸ້ງກັບບັນດາປະເທດອາຊຽນ.
ເຈົ້າໜ້າທີ່ກ່ຽວຂ້ອງຂອງແຂວງກວາງຕຸ້ງເຫັນວ່າ, ສອງຝ່າຍຄວນສືບຕໍ່ເພີ່ມທະວີກົນໄກປະສານງານດ້ານການຮ່ວມມືການປະມົງລະຫວ່າງພາກພື້ນ, ສຳມະນາແລະປຶກສາຫາລືສະພາບການການຮ່ວມມືໃນພາກພື້ນເປັນປະຈຳ, ເພີ່ມທະວີ ການຊື້ຂາຍຜະລິດຕະພັນນ້ຳພາກພື້ນ, ເພີ່ມທະວີການແລກປ່ຽນແລະການຮ່ວມມືເຕັກນິກດ້ານການປະມົງ, ເພີ່ມທະວີວຽກງານຄຸ້ມຄອງຄວາມປອດໄພຜະລິດຕະພັນນ້ຳ, ຊົມໃຊ້ບົດຮຽນສຳເລັດຜົນທີ່ປົກປັກຮັກສາຊັບພະຍາກອນການປະມົງແລະຊຸກຍູ້ການປະມົງພັດທະນາຂຶ້ນ.
|
