ນະຄອນທຽນສິນຈີນຈະສ້າງຕັ້ງສູນເກັບຄືນແລະຊຳລະຂອງເສດທີ່ເປັນເຄື່ອງເອເລັກໂຕຼນິກ
cri
ຕາມຂ່າວສານຊິນຮວາ,ວັນທີ21ສິງຫາ,ນັກຂ່າວໄດ້ຊາບຈາກນະຄອນທຽນສິນ ພາກເໜືອຂອງຈີນວ່າ,ນະຄອນທຽນສິນຈະລົງມືກໍ່ສ້າງສູນຊຳລະແລະເກັບຄືນຂອງເສດທີ່ເປັນເຄື່ອງເອເລັກໂຕຼນິກແຫ່ງໜຶ່ງໃນເດືອນກັນຍາ,ແລະຈະໃຊ້ການຢ່າງເປັນທາງການໃນປີໜ້າ.
ຕາມໄດ້ຊາບ,ສູນດັ່ງກ່າວຈະກາຍເປັນແຫຼ່ງຊຳລະແລະເກັບຄືນຂອງເສດທີ່ເປັນເຄື່ອງເອລັກໂຕຼນິກຢູ່ເຂດພາກເໜືອຈີນ,ແຕ່ລະປີຈະນຳໃຊ້ຂອງເສດທີ່ເປັນເຄື່ອງເອເລັກໂຕຼນິກໃນດ້ານສັງລວມ3ໝື່ນໂຕນ.ພາຍຫຼັງໂຄງການດັ່ງກ່າວສ້າງສຳເລັດແລ້ວ,ຈະຫຼໍ່ຫຼອມເອົາໂລຫະທີ່ລ້ຳຄາຕ່າງໆເຊັ່ນຄຳ,ເງິນເປັນຕົ້ນ,ທັງສາມາດຫຼໍ່ຫຼອມເອົາໂລຫະຊະນິດຕ່າງໆເຊັ່ນສັງກະສີ,ເຫຼັກ,ທອງແລະອື່ນໆ,ແລະທັບແປ້ນວົງຈອນໄຟຟ້າໃຫ້ມຸ່ນແລ້ວນຳໃຊ້ຄືນອີກ.
ຜູ້ຊ່ຽວຊານສະເໜີໃຫ້ຮູ້ວ່າ,ໃນຂອງເສດທີ່ເປັນເຄື່ອງເອເລັກໂຕຼນິກມີ75%ຂຶ້ນໄປແມ່ນວັດຖຸທີ່ມີຄຸນປະໂຫຍດ,ບໍ່ພຽງແຕ່ຈະນຳໃຊ້ຂອງເສດເທົ່ານັ້ນ,ຫາກຍັງສາມາດຫຼຸດການເຊື່ອມພິດຕໍ່ສິ່ງແວດລ້ອມອີກດ້ວຍ.
|
|