ທ່ານອັບບາສປະກາດໃຫ້ລັດຖະບານປະເລັສຕິນປົກຄອງຕົນເອງຄຸ້ມຄອງທີ່ດິນທີ່ຝ່າຍອິສຣາແອນຖອນອອກຈາກແຖບກາຊາແລ້ວ
cri
ຕາມຂ່າວCRI,ວັນທີ20ສິງຫາ,ທ່ານອັບບາສ ປະທານອົງການອຳນາດແຫ່ງຊາດປາເລັສຕິນໄດ້ເຊັນດຳລັດ,ປະກາດວ່າທີ່ດິນແລະຊັບສິນທັງໝົດທີ່ອິສຣາແອນຈົ່ງໄວ້ຫຼັງຖອນອອກຈາກແຖບກາຊານັ້ນ,ໃຫ້ລັດຖະບານປາເລັສຕິນປົກຄອງຕົນເອງເປັນຜູ້ຄຸ້ມຄອງ.ກ່ອນລັດຖະບານຊຳລະກຳມະສິດຂອງທີ່ດິນແລະຊັບສິນເຫຼົ່ານີ້ຢ່າງເຖິງຖອງ,ບໍ່ວ່າຜູ້ໃດບໍ່ຄວນຍຶດເປັນຂອງສ່ວນຕົວ.
ວັນທີ20ສິງຫາ,ທ່ານດາຮາລານ ລັດຖະມົນຕີວຽກງານຄວາມແພ່ງຂອງລັດຖະບານປາເລັສຕິນປົກຄອງຕົນເອງທີ່ຮັບຜິດຊອບວຽກງານປະສານງານອິສຣາແອນຖອນຕົວກ່າວວ່າ,ພາຍຫຼັງຝ່າຍອິສຣາແອນຖອນອອກໄປແລ້ວ,ປາເລັສຕິນແລະອິສຣາແອນຈະສືບຕໍ່ຈັດການພົບປະແລະປຶກສາຫາລືບັນຫາການຂຶ້ນກັບແລະການຄຸ້ມຄອງເດີ່ນຍົນ,ທ່າກ່ຳປັ່ນຂອງແຖບກາຊາແລະດ່ານລາຟາ.ພ້ອມກັນນັ້ນ,ທ່ານດາຮາລານຍັງຮຽກຮ້ອງອາເມລິກາຈົ່ງເພີ່ມຄວາມແຮງໃນການໄກ່ເກ່ຍ,ທວງໃຫ້ອິສຣາແອນຖອນທະຫານອອກຈາກເຂດປາເລັສຕິນທີ່ຝັ່ງຕາເວັນຕົກແມ່ນ້ຳຈໍແດນໂດຍໄວ,ແລະເລີ່ມຕົ້ນການເຈລະຈາລະຫວ່າງປາເລັສຕິນອິສຣາແອນກ່ຽວກັບຖານະສຸດທ້າຍຂອງເສັ້ນຊາຍແດນແລະແຜ່ນດິນ.
|
|