|
ແຕ່ວັນທີ16ຮອດວັນທີ18ເດືອນນີ້,ງານສຳມະນາການແລກປ່ຽນແລະຮ່ວມມືດ້ານ ວຽກງານຕຳຫຼວດຂອງກົມຕຳຫຼວດນະຄອນຫຼວງ13ປະເທດຄື ອາຊຽນ ຈີນ ຍີ່ປຸ່ນແລະສ.ເກົາຫຼີໄດ້ໄຂຂຶ້ນຢູ່ທີ່ປັກກິ່ງ.ຜູ້ຕາງໜ້າຕຳຫຼວດຊັ້ນສູງຂອງນະຄອນຫຼວງ 13 ປະເທດໄດ້ເຕົ້າໂຮມກັນເປັນຄັ້ງທຳອິດ,ເຈາະຈົງຫາລືເລື່ອງກ່ຽວກັບຝ່າຍຕຳ ຫຼວດປັກກິ່ງຈະເຮັດແນວໃດຮ່ວມມືກັບຝ່າຍຕຳຫຼວດສາກົນໃນວຽກງານປ້ອງກັນຄວາມສະຫງົບຂອງງານໂອລິມປິກປັກກິ່ງປີ 2008.ກ່ຽວກັບເລື່ອງນີ້,ນັກຂ່າວວິທະ ຍຸພວກເຮົາໄດ້ສຳພາດທ່ານສະແຫວງ ພົມມະລີ ຮອງຫົວໜ້າກອງບັນຊາການປ້ອງກັນຄວາມສະຫງົບນະຄອນຫຼວງວຽງຈັນທີ່ມາເຂົ້າຮ່ວມງານສຳມະນາຄັ້ງນີ້.
ກ່ອນອື່ນ,ທ່ານສະແຫວງ ພົມມະລີໄດ້ສະເໜີສະພາບການຮ່ວມມືລະຫວ່າງຝ່າຍຕຳຫຼວດວຽງຈັນກັບຝ່າຍຕຳຫຼວດປັກກິ່ງໃນຫຼາຍປີມານີ້ສູ່ຟັງ.ທ່ານເວົ້າວ່າ: (ປ່ອຍອັດສຽງ).
ໃນງານສຳມະນາຄັ້ງນີ້, ຝ່າຍຕຳຫຼວດນະຄອນຫຼວງຂອງ13ປະເທດຄື ອາຊຽນ ຈີນ ຍີ່ປຸ່ນແລະສ.ເກົາຫຼີໄດ້ຮ່ວມກັນເຊັນຄຳຖະແຫຼງການປັກກິ່ງ,ເພື່ອເພີ່ມທະວີການແລກປ່ຽນແລະຮ່ວມມືກັນໃນດ້ານວຽກງານຕຳຫຼວດໃນຫຼາຍລະດັບແລະຫຼາຍຮູບແບບລະຫວ່າງບັນດາປະເທດໃນພາກພື້ນ,ໂຈມຕີການເຄື່ອນໄຫວອາດຊະຍາກຳ ຂ້າມຊາດ.ສ້າງສະພາບແວດລ້ອມການປ້ອງກັນຄວາມສະຫງົບສັງຄົມອັນດີງາມ ຂອງພາກພື້ນແຫ່ງນີ້.ເມື່ອເວົ້າເຖິງບົດບາດການຊຸກຍູ້ຂອງຄຳຖະແຫຼງການປັກກິ່ງທີ່ມີຕໍ່ການຮ່ວມມືພາກພື້ນໃນພາຍໜ້າ,ທ່ານສະແຫວງ ພົມມະລີເວົ້າວ່າ: (ປ່ອຍອັດສຽງ).
ທ່ານສະແຫວງ ພົມມະລີໄດ້ຕີລາຄາໝາກຜົນຂອງງານສຳມະນາຄັ້ງນີ້ວ່າ: (ປ່ອຍອັດສຽງ).
ໃນໄລຍະງານສຳມະນາ,ຜູ້ຮັບຜິດຊອບກົມຕຳຫຼວດນະຄອນຫຼວງ13ປະເທດໄດ້ປະກອບຄຳຄິດຄຳເຫັນຢ່າງເປັນລຳດັບ,ໄດ້ແນະນຳສະພາບການພື້ນຖານຂອງວຽກງານຕຳຫຼວດໃຜລາວ,ແລະໄດ້ຄົ້ນຄວ້າຫາລືກັນຢ່າງເລິກເຊິ່ງຕໍ່ວຽກງານຕຳ ຫຼວດໃນຫຼາຍຂົງເຂດທີ່ສົນໃຈນຳກັນເຊັ່ນ ລັດທິກໍ່ການຮ້າຍ ການເຄື່ອນໄຫວອາດຊະຍາກຳຂ້າມຊາດ ການປ້ອງກັນຄວາມສະຫງົບຂອງການເຄື່ອນໄຫວຂະ ໜາດໃຫຍ່ແລະການຄຸ້ມຄອງຄົນຕ່າງປະເທດເປັນຕົ້ນ. ໃນຫຼາຍປີມານີ້,ການໂຈມຕີການຕ້ອງໂທດຄ້າຢາເສບຕິດຢູ່ຊາຍແດນຈີນລາວໄດ້ຮັບໝາກຜົນຢ່າງເດັ່ນຊັດ,ເມື່ອເວົ້າເຖິງບັນຫາດັ່ງກ່າວ,ທ່ານຫົວໜ້າສະແຫວງ ພົມມະລີເວົ້າວ່າ:(ປ່ອຍອັດສຽງ).
ຕາມຊາບວ່າ,ປະຈຸບັນນີ້,ຝ່າຍຕຳຫຼວດປັກກິ່ງໄດ້ສ້າງການພົວພັນຮ່ວມມືດ້ານວຽກງານຕຳຫຼວດກັບຝ່າຍຕຳຫຼວດນະຄອນຫຼວງຂອງຫຼາຍປະເທດຢ່າງແໜ້ນແຟ້ນແລະບັງເກີດຜົນ,ແລະໄດ້ເລັງສາຍຕາໃສ່ງານກິລາໂອລິມປິກປີ2008,ເລີ່ມສ້າງ ກົນໄກຮ່ວມມືພາກພື້ນສອງຕໍ່ສອງແລະແບບຫຼາຍຝ່າຍທີ່ໝັ້ນຄົງຍາວນານ.
|
