|
ທ່ານຫຼີຈ້າວຊິງຊີ້ອອກວ່າ,ການຕ່າງປະເທດຂອງຈີນໄດ້ປະກອບສ່ວນເຂົ້າໃນການປົກປັກຮັກສາສັນຕິພາບຂອງໂລກແລະຊຸກຍູ້ການພ້ອມກັນພັດທະນາ
cri
Author: zhangshuo
ຕາມຂ່າວCRI:ວັນທີ22ສິງຫາ,ຂ່າວສານຊິນຮວາ ຂ່າວສານແຫ່ງຊາດຈີນໄດ້ພິມບົດຄວາມຂອງທ່ານຫຼີຈ້າວຊິງ ລັດຖະມົນຕີກະຊວງການຕ່າງປະເທດຂອງຈີນທີ່ພາດຫົວເລື່ອງວ່າ ສັນຕິພາບ ການພັດທະນາ ການຮ່ວມມື.ບົດຄວາມຊີ້ອອກວ່າ,ການຕ່າງປະເທດຂອງຈີນໄດ້ປະກອບສ່ວນເຂົ້າໃນການປົກປັກຮັກສາສັນຕິພາບຂອງໂລກແລະຊຸກຍູ້ໃຫ້ພ້ອມກັນພັດທະນາ.
ບົດຄວາມຂຽນວ່າ,ເມື່ອເຂົ້າສູ່ສັດຕະວັດໃໝ່,ຈີນໄດ້ຍຶດໝັ້ນວັດຖຸປະສົງການຕ່າງປະເທດທີ່ປົກປັກຮັກສາສັນຕິພາບຂອງໂລກແລະຊຸກຍູ້ໃຫ້ພ້ອມກັນພັດທະນາ,ພະຍາຍາມຊຸກຍູ້ສັນຕິພາບ ສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນອາຊີ;ພະຍາຍາມຊຸກຍູ້ການຮ່ວມມືໃຕ້ໆແລະການສົນທະນາເໜືອໃຕ້;ຈີນໄດ້ສ້າງຕັ້ງການພົວພັນໝູ່ຄູ່ກັບ ປະເທດໃຫຍ່ທີ່ສຳຄັນດ້ວຍຮູບການຕ່າງກັນ.
ບົດຄວາມຊີ້ອອກວ່າ,ການພັດທະນາຂອງຈີນຈະຫ່າງເຫີນອອກຈາກໂລກບໍ່ໄດ້,ສະຖຽນລະພາບແລະຄວາມຈະເລີນຮຸ່ງເຮືອງຂອງໂລກກໍຕ້ອງການຈີນ.ຈີນທີ່ຍຶດໝັ້ນເດີນຕາມເສັ້ນທາງການພັດທະນາໂດຍສັນຕິ,ຍ່ອມຈະປະກອບສ່ວນໃໝ່ເຂົ້າໃນການປົກປັກຮັກສາສັນຕິພາບແລະການພັດທະນາຂອງໂລກ.
|
|
