|
ສິລະປະແຕ້ມຮູບຂອງຕິເບດແມ່ນມີມາແຕ່ດົນນານ,ມາຮອດມື້ນີ້ກໍມີປະຫວັດ2000ກວ່າປີ
ແລ້ວ.
ຮູບແຕ້ມໃສ່ຝາຜະໜັງ
ການແຕ້ມຮູບຂອງເຜົ່າຕິເບດແມ່ນມີກົກເຄົ້າມາແຕ່ຮູບແຕ້ມໃສ່ໂງ່ນຫີນທີ່ສືບທອດມາແຕ່ປະ
ເທດຈີນສະໄໝບູຮານ.ສິ່ງທີ່ແຕ້ມນັ້ນສ່ວນຫຼາຍແມ່ນຮູບສັດຕ່າງໆ,ເປັນຕົ້ນແມ່ນກວາງ,ງົວ,
ແບ້,ມ້າແລະພາບລ່າເນື້ອ,ຕະຫຼອດຮອດເນື້ອໃນດ້ານສາສະໜາທ້ອງຖິ່ນບາງແຫ່ງຂອງເຜົ່າຕິ
ເບດ.ແຕ່ເນື່ອງຈາກມູນເຫດໄພທຳມະຊາດແລະໄພທີ່ຄົນກໍ່ຂຶ້ນຮູບແຕ້ມເດີມເຫຼົ່ານີ້ແມ່ນເສຍ ຫາຍໄປແລ້ວຮູບແຕ້ມຕິເບດທີ່ຄົນທັງຫຼາຍມັກເວົ້າກັນຢູ່ດຽວນີ້ແມ່ນໝາຍເຖິງຮູບແຕ້ມພຸດທະ
ສາສະໜານິກາຍຕິເບດທີ່ກຳເນີດຂຶ້ນພາຍຫຼັງພຸດທະສາສະໜາໄດ້ແຜ່ເຂົ້າເຂດຕິເບດເມື່ອສະ
ຕະວັດທີ6ທີ7.
ຮູບແຕ້ມໃສ່ຝາຜະໜັງແມ່ນຮູບການສະແດງສຳຄັນຊະນິດໜຶ່ງຂອງສິນລະປະຮູບແຕ້ມຕິເບດ.ຕົ້ນຕໍແມ່ນແຕ້ມຢູ່ໃນວັດວາອາຮາມນ້ອຍໃຫຍ່ໃນເຂດຕິເບດຂະໜາດຮູບແຕ້ມຝາຜະໜັງແມ່ນ
ໃຫຍ່ໂຕມະໂຫຖານເຊິ່ງກ່ຽວພັນກັບຂົງເຂດອັນກວ້າງຂວາງເປັນຕົ້ນແມ່ນສາສະໜາ,ການເມືອງ,
ປະຫວັດສາດ,ເສດຖະກິດ,ວັດທະນະທຳແລະຊີວິດສັງຄົມເຊິ່ງມີເກືອບໝົດທຸກດ້ານເຊັ່ນພະສູດ,
ເທບນິຍາຍ,ພື້ນສືບ,ນິທານປະຫວັດສາດ,ພາບຊີວິດຕະຫຼອດຮອດທັດສະນີຍະພາບ.ເນື້ອໃນກໍອຸ
ດົມສົມບູນທີ່ສຸດ,ໃນນັ້ນຮູບແຕ້ມຝາຜະໜັງກ່ຽວກັບບຸກຄົນປະຫວັດສາດກໍກວມອັດຕາສ່ວນຫຼາຍສົມຄວນ,ຮູບແຕ້ມຝາຜະໜັງປະເພດນີ້ສ່ວນຫຼາຍແມ່ນມີເນື່ອໃນທີ່ເປັນຂໍ້ມູນປະຫວັດສາດຫຼາຍທີ່ສຸດ.ໂດຍຜ່ານຄຸນງາມຄວາມດີຂອງສ່ວນບຸກຄົນມາສ່ອງແສງໃຫ້ເຫັນຊີວິດການເມືອງ,ການຂະຫຍາຍຕົວທາງສາສະໜາແລະຂະບວນວິວັດສັງຄົມໃນສະໄໝນັ້ນ.ຕົວຢ່າງຄືວັງບຸດຕະລາທີ່ມີຊື່ສຽງໃນໂລກ,ຈົນຮອດດຽວນີ້ກໍຍັງຮັກສາຮູບແຕ້ມຝາຜະໜັງຂະໜາດໃຫຍ່ກ່ຽວກັບເຈົ້າຊົງຈານການປູ ຜູ້ນຳເຜົ່າຕິເບດໃນສະຕະວັດທີ7,ຮູບແຕ້ມຝາຜະໜັງດັ່ງກ່າວໄດ້ສະແດງອອກໃຫ້ເຫັນໂສມໜ້າສັງຄົມແລະຊີວິດການເມືອງໃນສະໄໝນັ້ນຕະຫຼອດຮອດການໄປມາຫາສູ່ກັນດ້ວຍໄມຕີຈິດລະຫວ່າງຊົນເຜົ່າແລະການແຜ່ຜາຍພຸດທະສາສະໜາເຂົ້າສູ່ເຂດຕິເບດໃນສະໄໝຫົວທີ.
1 2
|
