ຕາມ​ວິທະຍຸ​ກະຈາຍສຽງເຂດ​ກວາງຊີ: ຫວ່າງ​ມໍ່ໆ​ນີ້, ນັກ​ຂ່າວ​ໄດ້​ຊາບ​ຈາກ​ສຳນັກ​ເລຂາ​ງານ​ເອັກສ໌​ໂປ​ຈີນ​ອາ​ຊຽນວ່າ, ສຳນັກເລຂາ​ງານ​ເອັກ​ສ໌ໂປ​ໄດ້​ຮັບ​ຄຳ​ສະດຸ​ດີຈາກ​ຜູ່​ນຳ​ແລະ​ເຈົ້າ​ໜ້າ​ທີ່​ຊັ້ນສູງ 5 ທ່ານ ​ເຊັ່ນ ທ່າ​ນທັກສິນ ຊິນນະ​ວັດ ນາຍົກລັດຖະມົນຕີ​ໄທ ທ່ານ​ສຸ​ລິ​ວົງ ດາລາ​ວົງ ລັດ​ຖະ​ມົນ​ຕີ​ກະຊວງ​ການ​ຄ້າ​ລາວ ​ແລະ​ທ່ານອົງ​ເກັງ​ຢົງ ​ເລຂາ​ທິການ​ສຳນັກ​ເລຂາ​ອາ​ຊຽນ​ເປັນ​ຕົ້ນ.

ນັກ​ຂ່າວ​ຍັງ​ໄດ້​ຊາບ​ວ່າ, ຖ້ຽວ​ບິນ​ປະຈຳສາມ​ສາຍທີ່​ເພີ່ມ​ຂຶ້ນ​ໃໝ່​ຄື ຈາກ​ເມືອງ​ນານ​ນິງ​ຮອດ​ກົວ​ລາ​ລຳ​ເປີ ບາງກອກ​ແລະ​ສິງກະ​ໂປ​ໄດ້​ຫຼືຈະ​ເປີດ​ບໍລິການ​ຖ້ຽວ​ທຳ​ອິດ​ໃນ​ກາງ​ເດືອນ​ສິງ​ຫາ ຕົ້ນເດືອນ​ກັນຍາ​ແລະ​ກາງ​ເດືອນ​ຕຸລາ.

ວຽກ​ງານ​ອວນ​ເອົາວິ​ສາ​ຫະກິດມາ​ວາງສະ​ແດງ​ໃນງານ​ເອັກສ໌​ໂປ​ຈີນ​ອາຊຽນຄັ້ງທີ​ສອງ​ໄດ້​ສຳ​ເລັດ​ລົງ​ແລ້ວ, ນັບ​ລວມ​ແລ້ວ ມີວິ​ສາ​ຫະກິດ 704 ຫຼັງ​ຈະ​ມາຮ່ວມງານ, ຈັດ​ວາງ​ບ່ອນ​ວາງ​ສະ​ແດງ​ໃຫ້ 1437 ບ່ອນ.