ຕາມ​ຂ່າວCRI: ພາຍຫຼັງກອງ​ທະຫານ​ອິສຣາ​ແອນ​ຍິງ​ຄົນ​ປາ​ເລັສຕິນຕາຍ 5 ຄົນ​ຢູ່​ຝັ່ງ​ຕາ​ເວັນ​ຕົກ​ແມ່​ນ້ຳ​ຈໍ​ແດນ​ໃນ​ຕອນກາງຄືນ​ວັນ​ທີ 24 ສິງຫາ​ແລ້ວ, ວັນ​ທີ 25 ສິງຫາ, ທ່ານ​ອັບ​ບາສ ປະ​ທານ​ອົງ​ການ​ອຳນາດ​ແຫ່ງ​ຊາດ​ປາ​ເລັສຕິນ​ໄດ້​ອອກ​ຖະ​ແຫຼງການ, ກ່າວ​ປະນາມ​ຢ່າງ​ຮຸນ​ແຮງ​ຕໍ່​ຝ່າຍ​ອິສຣາ​ແອນທີ່​ທຳລາຍ​ສະຖານະ​ການອັນ​ສະຫງົບ​ລະ​ຫວ່າງ​ປາ​ເລັສຕິ​ນກັບອິສຣາ​ແອນ​ໃນ​ສະ​ເພາະ​ໜ້ານີ້.

ທ່ານ​ຄູ​ໄລ ນາຍົກລັດຖະມົນຕີລັດຖະບານປາ​ເລັສຕິນປົກຄອງ​ຕົນ​ເອງກໍ່​​ໄດ້ໃຫ້​ສຳພາດ, ຕິ​ຕຽນ​ຝ່າຍ​ອິສຣາ​ແອນທີ່​ທຳ​ການ​ຕົກລົງ​ໃນ​ຫວ່າງ​ມໍ່ໆ​ນີ້​ວ່າ​ຈະ​ເກນ​ໃຊ້​ດິນ​ປາ​ເລັສ​ຕິນ​ເພື່ອ​ສ້າງ​ກຳ​ແພງ​ຂັ້ນຢູ່​ເຂດ​ມໍ່​ມາ ອາ​ເລ ອາ​ດູ​ມິ​ມ ຈຸດ​ຕັ້ງຖິ່ນ​ຖານ​ຂອງ​ຊາວ​ຢິວທີ່​ໃຫຍ່​ກວ່າ​ໝູ່​​ຢູ່​ຝັ່ງ​ຕາ​ເວັນ​ຕົກ​ແມ່​ນ້ຳ​ຈໍ​ແດນ.

ອົງການ​ຈີ​ຮາດ​ແລະກອງ​ພົນ​ນ້ອຍ​ຜູ່​ເສຍສະຫຼະອານ ອັກ​ຊາຕ່າງ​ໄດ້​ອອກ​ຖະ​ແຫຼງການ, ຂົ່ມ​ຂູ່​ວ່າ​ຈະ​ແກ້​ແຄ້ນ​ກອງ​ທະຫານ​ອິສຣາ​ແອນ.