|
ຕາມຂ່າວCRI: ວັນທີ 25 ສິງຫາ ຢູ່ທີ່ປັກກິ່ງ, ທ່ານນາງອູອີ ຮອງນາຍົກລັດຖະມົນຕີຈີນໄດ້ພົບປະທ່ານສົມຄິດ ຈະຕຸສີພິທັກ ຮອງນາຍົກລັດຖະມົນຕີຜູ່ທີໜຶ່ງທັງເປັນລັດຖະມົນຕີກະຊວງການຄ້າຂອງໄທ. ສອງຝ່າຍເປັນເອກະສັນກັນເນັ້ນໜັກການຊຸກຍູ້ການຮ່ວມມືທາງເສດຖະກິດການຄ້າລະຫວ່າງສອງຝ່າຍ, ຊຸກຍູ້ໃຫ້ການພົວພັນຮ່ວມມືລັກສະນະຍຸດທະສາດລະຫວ່າງສອງປະເທດຂະຫຍາຍຕົວຢ່າງບໍ່ຢຸດຢັ້ງ.
ທ່ານນາງອູອີກ່າວວ່າ, ໃນຫຼາຍປີມານີ້ ການຮ່ວມມືທາງເສດຖະກິດການຄ້າລະຫວ່າງຈີນໄທໄດ້ຮັບຜົນຢ່າງເດັ່ນຊັດ, ມີຫວັງຈະບັນລຸເປົ້າໝາຍທີ່ເຮັດໃຫ້ມູນຄ່າການຄ້າລະຫວ່າງສອງປະເທດບັນລຸ 30 ຕື້ໂດລາເມື່ອຮອດປີ 2010 ກ່ອນເວລາກຳນົດ.
ທ່ານສົມຄິດກ່າວວ່າ, ໄທຫວັງເປີດກວ້າງຂະໜາດການລົງທຶນແລະການຄ້າລະຫວ່າງສອງປະເທດຕື່ມອີກ, ເພີ່ມທະວີການຮ່ວມມືໃນວົງການວິສາຫະກິດປະເທດທັງສອງ, ຊົມເຊີຍວິສາຫະກິດຈີນໄປລົງທຶນຢູ່ໄທຫຼາຍກວ່າເກົ່າ, ແລະຂະຫຍາຍການຮ່ວມມືໃນຂົງເຂດການທະນາຄານແລະຫຼັກຊັບເປັນຕົ້ນ.
|
