|
|
 |
| (GMT+08:00)
2005-08-26 15:07:16
|
|
ສະພາແຫ່ງຊາດຂ້າມຜ່ານຂອງອີຣັກເລື່ອນເວລາລົງຄະແນນສຽງຕໍ່ຮ່າງລັດຖະທຳມະນູນອີກເທື່ອໜຶ່ງ
cri
Author: min
ຕາມຂ່າວCRI: ວັນທີ 25 ສິງຫາ, ທ່ານຮັດຊານີ ປະທານສະພາແຫ່ງຊາດຂ້າມຜ່ານຂອງອີຣັກໄດ້ປະກາດວ່າ, ສະພາແຫ່ງຊາດຕົກລົງເລື່ອນເວລາລົງຄະແນນສຽງຮ່າງລັດຖະທຳມະນູນສະບັບໃໝ່ທີ່ກະໃສ່ໃນວັນທີ 25 ນັ້ນໄປອີກມື້ໜຶ່ງ.
ໃນງານຊຸມນຸມນັກຂ່າວ ໃນວັນທີ 25 ສິງຫາ, ທ່ານຮັດຊານີເວົ້າວ່າ ການຕົກລົງດັ່ງກ່າວແມ່ນເພື່ອໃຫ້ຜູ້ນຳນິກາຍຕ່າງໆຂອງອີຣັກມີເວລາປຶກສາຫາລືກັນຢ່າງ ພຽງພໍ, ເພື່ອແກ້ໄຂຄວາມເຫັນຂັດກັນຂອງຝ່າຍຕ່າງໆກ່ຽວກັບເນື້ອໃນບາງສ່ວນໃນຮ່າງລັດຖະທຳມະນູນ.
ພ້ອມກັນນັ້ນ ສະພາບຄວາມປອດໄພພາຍໃນປະເທດອີຣັກກໍຍັງຂ້ຽວຂາດຢູ່. ວັນທີ 25 ສິງຫາ, ຂະບວນລົດຂອງທ່ານທາລາບານີ ປະທານາທິບໍດີອີຣັກໄດ້ຖືກພວກປະກອບອາວຸດຫຼອມໂຈມຕີຢູ່ເຂດພາກເໜືອອີຣັກ, ເຮັດໃຫ້ຜູ້ປ້ອງກັນ 8 ຄົນເສຍຊີວິດ, 15 ຄົນບາດເຈັບ. ທ່ານທາລາບານີບໍ່ຢູ່ບ່ອນເກີດເຫດ, ຈຶ່ງໄດ້ພົ້ນຈາກເຫດຮ້າຍເທື່ອນີ້.
|
|
|
