|
|
(GMT+08:00)
2005-08-29 10:03:14
|
|
ທ່ານອັບບາສຮຽກຮ້ອງໃຫ້ບັນດາຝ່າຍຂອງປາເລັສຕີນຮັກສາຄວາມອົດກັ້ນ
cri
Author: cai
ຕາມຂ່າວCRI:ວັນທີ 28 ສິງຫາ,ທ່ານອັບບາສ ປະທານອົງການອຳນາດແຫ່ງຊາດປາເລັສຕີນໄດ້ອອກຖະແຫຼງການ,ຮຽກຮ້ອງໃຫ້ບັນດາຝ່າຍປາເລັສຕີນຮັກສາຄວາມອົດກັ້ນ,ເພື່ອຮັກສາຄວາມສະຫງົບຂອງສະຖານະການປາເລັສຕີນແລະອິດສະລະແອນ.
ໃນຖະແຫຼງການ,ທ່ານອັບບາສຍັງໄດ້ກ່າວປະນາມເຫດການລະເບີດແບບຂ້າໂຕຕາຍທີ່ເກີດຂຶ້ນຢູ່ເມືອງເບຍເຊວາ ພາກໃຕ້ອິດສະລະແອນໃນວັນທີ 28 ສິງຫາ,ຮຽກຮ້ອງໃຫ້ອິດສະລະແອນຢຸດຕິນະໂຍບາຍຮຸກຮານໃນທັນທີ.
ພາຍຫຼັງເຫດການລະເບີດໄດ້ເກີດຂຶ້ນແລ້ວ,ທ່ານແດວິດ ແບເຄີ ເຈົ້າໜ້າທີ່ຊັ້ນສູງຂອງຫ້ອງການທ່ານຊາລົງ ນາຍົກລັດຖະມົນຕີອິດສະລະແອນເວົ້າວ່າ,ກ່ອນອົງການອຳນາດແຫ່ງຊາດປາເລັສຕີນສະກັດກັ້ນການເຄື່ອນໄຫວຫຼອນໂຈມຕີຕ້ານອິດສະລະແອນຢ່າງບັງເກີດຜົນ,ການເຈລະຈາສັນຕິພາບລະຫວ່າງປາເລັສຕີນແລະອິດສະລະແອນບໍ່ຫ່ອນຊິມີການຄືບໜ້າໃດໆ.
ຕອນຮຸ່ງເຊົ້າວັນທີ 28 ສິງຫາ,ຊາວປາເລັສຕີນຜູ້ໜຶ່ງໄດ້ປະຕິບັດການລະເບີດແບບຂ້າໂຕຕາຍຢູ່ເມືອງເບຍເຊວາ,ເປັນເຫດພາໃຫ້ຫຼາຍສິບຄົນບາດເຈັບ.ຕາມສື່ມວນຊົນອິດສະລະແອນກ່າວວ່າ,ອົງການຈີຮັດແຫ່ງປາເລັສຕີນໄດ້ປະກາດຮັບຜິດຊອບຕໍ່ເລື່ອງນີ້.
|
|
|