|
|
 |
| (GMT+08:00)
2005-08-29 10:46:54
|
 |
|
ໂຮງຮຽນສາກົນທີ່ໃຫຍ່ກວ່າໝູ່ຂອງນະຄອນປັກກິ່ງເປີດຮຽນ
cri
Author: da
ໜັງສືພິມຊາວໜຸ່ມປັກກິ່ງລາຍງານວ່າ: ວັນທີ 28 ສິງຫາ,ໂຮງຮຽນສາກົນເລີ້ເຊີງປັກກິ່ງ ຊຶ່ງເປັນໂຮງຮຽນສາກົນທີ່ໃຫຍ່ກວ່າໝູ່ໃນນະຄອນປັກກິ່ງໄດ້ເປີດຮຽນຢ່າງເປັນທາງການ,ນັກຮຽນ 100 ກວ່າຄົນຂອງ 22 ປະເທດໄດ້ກາຍເປັນນັກຮຽນຊຸດທຳອິດຂອງໂຮງຮຽນສາກົນຫຼັງນີ້.
ໃນຫຼາຍປີມານີ້,ຄຽງຄູ່ກັບເສດຖະກິດໄດ້ພັດທະນາ,ວິສາຫະກິດຂ້າມຊາດຢູ່ປັກກິ່ງນັບມື້ນັບຫຼາຍຂຶ້ນ,ບັນຫາການສຶກສາລູກເຕົ້າຂອງຄົນຕ່າງປະເທດໄດ້ພາໃຫ້ວົງການຕ່າງໆນັບມຶ້ນັບເອົາໃຈໃສ່.ພາຍໃຕ້ການສະໜັບສະໜູນຂອງຝ່າຍທີ່ກ່ຽວຂ້ອງ,ໂຮງຮຽນສາກົນເລີ້ເຊີງທີ່ລົງທຶນ 460 ລ້ານຢວນໄດ້ເລີ່ມກໍ່ສ້າງໃນປີກາຍນີ້,ແລະນຳໃຊ້ຢ່າງເປັນທາງການໃນປີນີ້.
ຕາມແນະນຳວ່າ,ໂຮງຮຽນຫຼັງນີ້ໄດ້ຈັດຕັ້ງຫຼັກສູດແຕ່ຊັ້ນກຽມຮອດຊັ້ນມັດທະຍົມປາຍ.ເພື່ອຮັບປະກັນເອກະລັກສາກົນຂອງໂຮງຮຽນ,ຈຳນວນນັກຮຽນທີ່ມີສັນຊາດດຽວກັນບໍ່ໃຫ້ເກີນ 25% ຂອງຍອດຈຳນວນນັກຮຽນ.ພາສາທີ່ໃຊ້ໃນການຮ່ຳຮຽນແລະຊີວິດປະຈຳວັນຢູ່ໃນໂຮງຮຽນລ້ວນແຕ່ໃຊ້ພາສາອັງກິດ.ສຳລັບນັກຮຽນຕ່າງປະເທດ,ມື້ໃດກໍ່ມີຊົ່ວໂມງສອນພາສາຈີນໜຶ່ງຊົ່ວໂມງ,ຍັງຈະຮຽນວັດທະນະທຳຈີນອາທິດລະເທື່ອ,ເພື່ອໃຫ້ນັກຮຽນສຳຜັດກັບວັດທະນະທຳຈີນ.
|
|
|
