|
ພວກເຂົາເຈົ້າແມ່ນຊາວໜຸ່ມ11ຄົນທີ່ມາຈາກນະຄອນຊຽງໄຮ້ ເມືອງທັນສະໄໝຂອງຈີນ;
ພວກເຂົາເຈົ້າແມ່ນຜູ້ປະຕິບັດນ້ຳໃຈອາສາສະໝັກສາກົນ;
ພວກເຂົາເຈົ້າແມ່ນທູດປະຊາຊົນທີ່ເຜີຍແຜ່ວັດທະນະທຳຈີນ,ຊ່ອຍເຫຼືອປະຊາຊົນລາວ, ກ່າຍຂົວມິດຕະພາບຈີນລາວ;
ໃນ180ເຊົ້າຄ່ຳຢູ່ແຄມແມ່ນ້ຳຂອງ,ພວກເຂົາເຈົ້າໄດ້ບັນເລງເພງແຫ່ງຄວາມຮັກທີ່ມ່ວນຈັບໃຈຢູ່ລາວດ້ວຍໄວຄະນອງແລະການອຸທິດຂອງພວກເຂົາເຈົ້າ.
ເຊີນທ່ານຕິດຕາມລາຍການສຳພາດຄະນະຊາວໜຸ່ມອາສາສະໝັກຊຽງໄຮ້ຈີນງວດທີສີ່ທີ່ໄປຮັບໃຊ້ຢູ່ລາວທີ່ພາດຫົວເລື່ອງວ່າ ຊາວໜຸ່ມອາສາສະໝັກຂອງຈີນຢູ່ລາວ.
ເພື່ອເພີ່ມການໄປມາຫາສູ່ກັນດ້ວຍໄມຕີຈິດລະຫວ່າງປະຊາຊົນໃນໂລກ,ສົ່ງເສີມນ້ຳໃຈອາສາສະໝັກຮັບໃຊ້ສາກົນ,ສະແດງພາບພົດອັນດີງາມຂອງຊາວໜຸ່ມຈີນສະໄໝປະຈຸບັນ,ໃນຕົ້ນປີ2003,ຄະນະຊາວໜຸ່ມກອມມູນິດຈີນຂອງນະຄອນຊຽງໄຮ້ແລະສະມາຄົມຊາວໜຸ່ມອາສາສະໝັກຊຽງໄຮ້ໄດ້ສົ່ງຄະນະຊາວໜຸ່ມອາສາສະໝັກຊຽງໄຮ້ງວດທຳອິດໄປຮັບໃຊ້ຢູ່ລາວ.ໃນເວລາເຄິ່ງປີທີ່ຮັບໃຊ້ຢູ່ລາວ, ຊາວໜຸ່ມອາສາສະໝັກຂອງຈີນແຕ່ລະງວດຕ່າງກໍໄດ້ຮັບຄວາມຍ້ອງຍໍຊົມເຊີຍຈາກປະຊາຊົນລາວຍ້ອນນ້ຳໃຈອົດທຸກທົນຍາກ,ທ່າທີຮັບໃຊ້ທີ່ອຸທິດຢ່າງບໍ່ເຫັນແກ່ຕົວແລະຄວາມຊຳນານດ້ານວິຊາການທີ່ດີເລີດອັນໄດ້ຫວ່ານແນວແຫ່ງປູກມິດຕະພາບຈີນລາວຢູ່ແຄມແມ່ນ້ຳຂອງ.
ວັນທີ18ພຶດສະພາປີ2005, ຊາວໜຸ່ມ11ຄົນຂອງຄະນະຊາວໜຸ່ມອາສາສະໝັກຊຽງໄຮ້ທີ່ໄປຮັບໃຊ້ຢູ່ລາວງວດທີສີ່ໄດ້ສິ້ນສຸດການຮັບໃຊ້ຢູ່ລາວເຄິ່ງປີ,ເຊິ່ງເປັນເລື່ອງທີ່ພວກເຂົາເຈົ້າບໍ່ມີວັນລືມໃນຕະຫຼອດຊີວິດ,ແລ້ວຍ່າງຂຶ້ນຍົນທີ່ບິນກັບຄືນປະເທດຊາດ.ໃນເວລາທີ່ພວກເຂົາເຈົ້າມໍ່ຈະລາຈາກລາວນັ້ນ,ນາງຈັນສຸກ ນັກຂ່າວວິທະຍຸພວກເຮົາໄດ້ໄປສຳພາດພວກເຂົາເຈົ້າແລະປະຊາຊົນລາວຈຳນວນໜຶ່ງທີ່ເຄີຍສຳຜັດກັບພວກເຂົາເຈົ້າ.ແຕ່ມື້ນີ້ເປັນ ຕົ້ນໄປ,ໃນລາຍການເພື່ອນມິດຜູ້ຟັງທຸກວັນສຸກ,ເຊີນທ່ານຕິດຕາມຮັບຟັງລາຍການສຳ ພາດເປັນລະບົບພາດຫົວເລື່ອງວ່າ ຊາວໜຸ່ມອາສາສະໝັກຂອງຈີນຢູ່ລາວ.
|
