|
|
 |
| (GMT+08:00)
2005-08-29 14:52:16
|
 |
|
ຝ່າຍຈີນຈະຊຸກຍູ້ການຮ່ວມມືທີ່ຕິດແທດຕົວຈີງລະຫວ່າງຈີນກັບອາຟຼິກາໃຫ້ຂະຫຍາຍໄປສູ່ລະດັບສູງກວ່າເກົ່າ
cri
Author: cai
ຕາມຂ່າວສານຊິນຮວາ:ວັນທີ 28 ສິງຫາ,ຢູ່ທີ່ປັກກິ່ງ,ທ່ານນາງສູຈີ້ງຮູ ຫົວໜ້າພະແນກອາຟຼິກາຂອງກະຊວງການຕ່າງປະເທດຈີນເວົ້າວ່າ,ຝ່າຍຈີນຈະຊຸກຍູ້ການຮ່ວມມືທີ່ຕິດແທດຕົວຈີງລະຫວ່າງຈີນອາຟຼິກາໃຫ້ຂະຫຍາຍໄປສູ່ລະດັບສູງກວ່າເກົ່າ ຂົງເຂດກວ້າງຂວາງກວ່າເກົ່າແລະຂອບເຂດໃຫຍ່ກວ່າເກົ່າ.
ໃນເວລາໃຫ້ສຳພາດຕໍ່ນັກຂ່າວ,ທ່ານນາງສູຈີ້ງຮູໄດ້ສະເໜີໃຫ້ຮູ້ວ່າ,ຝ່າຍຈີນໄດ້ໃຊ້ມາດຕະການຮ່ວມມືທີ່ຕິດແທດຕົວຈີງຈຳນວນໜຶ່ງແລ້ວ,ຕົວຢ່າງຄື,ຫຼຸດຫຼືຍົກເວັ້ນໜີ້ສິນຂອງປະເທດດ້ອຍພັດທະນາທີ່ສຸດຂອງອາຟຼິກາ ປະຕິບັດນະໂຍບາຍປອດພາສີຕໍ່ສິນຄ້າສ່ວນໜຶ່ງຂອງປະເທດດ້ອຍພັດທະນາທີ່ສຸດຂອງອາຟຼິກາທີ່ສົ່ງມາຂາຍຢູ່ຈີນ ແລະອົບຮົມຜູ້ມີຄວາມຮູ້ຄວາມສາມາດປະເພດຕ່າງໆໃຫ້ປະເທດອາຟຼິກາເປັນຕົ້ນ.ນອກນີ້,ການຮ່ວມມືລະຫວ່າງຈີນອາຟຼິກາໃນຂົງເຂດເສດຖະກິດການຄ້າ ວັດທະນະທຳການສຶກສາ ສາທາລະນະສຸກແລະການອະນຸລັກສິ່ງແວດລ້ອມເປັນຕົ້ນກໍໄດ້ຮັບຜົນສຳເລັດອັນຕັ້ງໜ້າ.
|
|
|
