|
ແຕ່ເຂດຕິເບດປົກຄອງຕົນເອງສ້າງຕັ້ງຂຶ້ນ40ປີມານີ້,ພາລະກິດການສຶກສາໄດ້ຮັບຜົນສຳເລັດຢ່າງໃຫຍ່ຫຼວງ
cri
ຕາມຂ່າວCRI,ວັນທີ29ສິງຫາ,ຢູ່ນະຄອນລາຊາ,ທ່ານເຢິຕີ້ ຮອງປະທານຄະນະປະຈຳສະພາປະຊາຊົນແຫ່ງຊາດຈີນກ່າວວ່າ, ແຕ່ເຂດຕິເບດປົກຄອງຕົນເອງສ້າງຕັ້ງຂຶ້ນ40ປີມານີ້,ພາລະກິດການສຶກສາໄດ້ຮັບຜົນສຳເລັດຢ່າງໃຫຍ່ຫຼວງ.
ວັນທີ29ສິງຫາ,ທ່ານເຢິຕີ້ໄດ້ນຳພາຄະນະຜູ້ແທນລາຊາຂອງຄະນະຜູ້ແທນສູນກາງຈີນໄປຢາມນັກຮຽນແລະຄູອາຈານອັນໄພສານຂອງໂຮງຮຽນປະຖົມໂຕຕີນະຄອນລາຊາ,ແລະໄດ້ມອບຂອງຂວັນໃຫ້ພວກເຂົາເຈົ້າ.ທ່ານເຢີຕີ້ກ່າວວ່າ,ລັດຖະບານກາງສຸດທີ່ເອົາໃຈໃສ່ນຳພາລະກິດການສຶກສາຂອງເຂດຕິເບດ.ແຕ່ເຂດຕິເບດປົກຄອງຕົນເອງສ້າງຕັ້ງຂຶ້ນມາເປັນເວລາ40ປີ,ລັດຖະບານກາງໄດ້ລົງທຶນນັບເປັນ10ຕື້ກວ່າຢວນເຂົ້າໃນການພັດທະນາການສຶກສາຂອງເຂດຕິເບດ.
ນັບມາຮອດທ້າຍປີກາຍນີ້,ເຂດຕິເບດໄດ້ມີໂຮງຮຽນທຸກຂັ້ນທຸກປະເພດ1ພັນກວ່າແຫ່ງ.ອັດຕາເຂົ້າຮຽນຂອງເດັກເຖິງໄວຮຽນໄດ້ບັນລຸ94,7%.
ອັດຕາບໍ່ຮູ້ໜັງສືຂອງຊາວໜຸ່ມໄວລ້ຳສັນໄດ້ຫຼຸດລົງຫຼວງຫຼາຍເມື່ອທຽບກັບ40ປີກ່ອນ.
|
|
