ລັດຖະມົນຕີການຕ່າງປະເທດອິສຣາແອນກ່າວວ່າການຖອນອອກແຕ່ຝ່າຍດຽວຈະກາຍເປັນແບບຢ່າງໃນການເຄື່ອນໄຫວພາຍໜ້າ
cri
ຕາມຂ່າວCRI,ວັນທີ29ສິງຫາ,ທ່ານຊາໂລມ ລັດຖະມົນຕີການຕ່າງປະເທດອິສຣາແອນໄດ້ໃຫ້ສຳພາດຕໍ່ໂທລະພາບວ່າ,ຖ້າຫາກສະຖານະການປາເລັສຕິນອິສຣາແອນສາມາດຮັກສາຄວາມສະຫງົບຢ່າງຍາວນານ,ມັນກໍສະແດງໃຫ້ເຫັນວ່າ,ການເຄື່ອນໄຫວຖອນອອກແຕ່ຝ່າຍດຽວຂອງອິສຣາແອນໃນຫວ່າງມໍ່ໆນີ້ແມ່ນສຳເລັດຜົນທີ່ສຸດ,ແລະຈະກາຍເປັນແບບຢ່າງໃຫ້ແກ່ຝ່າຍອິສຣາແອນດຳເນີນການເຄື່ອນໄຫວອື່ນໆໃນພາຍໜ້າ.
ທ່ານຊາໂລມກ່າວວ່າ,ທ່ານໄດ້ກ່າວທັດສະນະດັ່ງກ່າວຕໍ່ທ່ານໂຊລານາ ຜູ້ແທນຊັ້ນສູງທີ່ຮັບຜິດຊອບວຽກງານນະໂຍບາຍການຕ່າງປະເທດແລະຄວາມໝັ້ນຄົງຂອງສະຫະພາບເອີລົບຊາບແລ້ວ.
ນອກນີ້,ຂ່າວແຈ້ງວ່າ,ວັນທີ29ສິງຫາ,ທ່ານອີຣານໂກແຮນ ຫົວໜ້າຫ້ອງການທ່ານຊາລອນ ນາຍົກລັດຖະມົນຕີອິສຣາແອນກ່າວວ່າ,ລັດຖະບານອິສຣາແອນສະໜັບສະໜູນເຂດເນເກັຟທີ່ຢູ່ພາກໃຕ້ອິສຣາແອນນັ້ນກໍ່ສ້າງເຂດເຮືອນຢູ່ກູສຄາຕິຟໃໝ່,ເພື່ອເປັນທີ່ຢູ່ຖາວອນໃຫ້ແກ່ຊາວຕັ້ງຖິ່ນຖານທີ່ຖອນອອກຈາກຈຸດຕັ້ງຖິ່ນຖານຊາວຢິວທີ່ແຖບກາຊາ.
|
|