|
|
 |
| (GMT+08:00)
2005-08-31 15:49:13
|
 |
|
ເຈົ້າໜ້າທີ່ກະຊວງການຕ່າງປະເທດຈີນເວົ້າວ່າ ການຈຳກັດຂາອອກແຕ່ຝ່າຍດຽວບໍ່ມີຜົນດີຕໍ່ການແກ້ໄຂການເສຍປຽບດຸນການຄ້າຈີນອາເມລິກາ
cri
Author: cai
ຕາມຂ່າວສານຊີນຮວາ:ວັນທີ 30 ສິງຫາ,ໃນງານຖະແຫຼງຂ່າວທີ່ກະຊວງການຕ່າງປະເທດຈີນຈັດຂຶ້ນ,ທ່ານເຮີຢາເຝີຍ ຫົວໜ້າພະແນກວຽກງານທະວີບອາເມລິກາແລະໂອຊຽນນີຂອງກະຊວງການຕ່າງປະເທດຈີນເວົ້າວ່າ,ການຈຳກັດຂາອອກສິນຄ້າຈີນແຕ່ຝ່າຍດຽວບໍ່ສາມາດແກ້ໄຂບັນຫາການເສຍປຽບດຸນການຄ້າຈີນອາເມລິກາຈາກດ້ານກົກຮາກ,ເປີດກວ້າງການຮ່ວມມືດ້ານການຄ້າລະຫວ່າງຈີນອາເມລິກາຈຶ່ງແມ່ນຊ່ອງທາງແກ້ໄຂບັນຫາຈາກດ້ານກົກຮາກ.
ທ່ານຫູຈີນທາວ ປະທານປະເທດຈີນຈະໄປຢ້ຽມຢາມອາເມລິກາ ການາດາແລະເມັກຊິກທາງລັດຖະກິດຕາມຄຳເຊີນແຕ່ວັນທີ 5 ຫາ ວັນທີ17 ກັນຍາ,ແລະຈະເຂົ້າຮ່ວມກອງປະຊຸມສຸດຍອດລະລຶກສະຫະປະຊາຊາດສ້າງຕັ້ງຂຶ້ນຄົບຮອບ 60 ປີທີ່ຈັດຂຶ້ນຢູ່ນີວຢອກ.
ໃນເວລາທ່ານເຮີຢາເຝີຍຕອບຄຳຖາມກ່ຽວກັບບັນຫາການເສຍປຽບດຸນການຄ້າຈີນອາເມລິກາ,ທ່ານເວົ້າວ່າ,ຈີນບໍ່ໄດ້ສະແຫວງຫາການໄດ້ປຽບດຸນການຄ້າຕໍ່ອາເມລິກາເປັນເວລາຍາວນານ,ຫາກແມ່ນຫວັງໃຫ້ລະດັບການຄ້າດຸນດຽງກັນ.ຈີນຍິນດີເພີ່ມການນຳເຂົ້າສິນຄ້າຈາກອາເມລິກາ,ຍັງຫວັງໃຫ້ອາເມລິກາຜ່ອນຍານການຈຳກັດສິນຄ້າຂາອອກຂອງຈີນ ໂດຍສະເພາະແມ່ນສິນຄ້າທີ່ມີອັດຕາເຕັກນິກສູງ.
|
|
|
