|
ເວລາ 10 ໂມງຕອນເຊົ້າວັນທີ 29 ສິງຫາ,ຢູ່ທີ່ຫໍສະພາປະຊາຊົນປັກກິ່ງ ນະຄອນຫຼວງຈີນ,ໄດ້ຈັດພິທີໄຂກອງປະຊຸມລະລຶກກອງປະຊຸມແມ່ຍິງໂລກຄັ້ງທີ 4 ຄົບຮອບ 10 ປີ,ທ່ານາງອູອີ ຮອງນາຍົກລັດຖະມົນຕີຈີນໄດ້ຈັດພິທີໄຂກອງປະຊຸມ.ທທານຫູຈີນທາວ ປະທານປະເທດຈີນໄດ້ກ່າວຄຳປາໄສສຳຄັນໃນກອງປະຊຸມເທື່ອນີ້.
ກອງປະຊຸມແມ່ຍິງໂລກຄັ້ງທີ່ 4 ໄດ້ຈັດຂຶ້ນຢູ່ທີ່ປັກກິ່ງເມື່ອປີ 1995 ,ມີຜູ່ແທນແມ່ຍິງ189 ປະເທດສະມາຊິກຂອງອົງການສະຫະປະຊາຊາດມາເຕົ້າໂຮມກັນຢູ່ປັກກິ່ງເພື່ອເຂົ້າຮ່ວມກອງປະຊຸມເທື່ອນັ້ນ.ໃນກອງປະຊຸມເທື່ອນັ້ນໄດ້ຜ່ານຮັບຮອງ ໂຄງການດຳເນີນງານປັກກິ່ງແລະຄຳຖະແຫຼງການປັກກິ່ງ,ແລະໄດ້ກ່າວລຶ້ມວ່າສິດທິແມ່ຍິງກໍແມ່ນສິດທິມະນຸດ.ການໃຫ້ແມ່ຍິງມີສິດທິແລະບັນລຸໃຫ້ຍິງຊາຍສະເຫມີພາບກັນແມ່ນຫນຶ່ງໃນ 8 ເປົ້າຫມາຍແຫ່ງການພັດທະນາສະຫັດສະວັດທີ່ກອງປະຊຸມສຸດຍອດປີ 2000 ຂອງອົງການສະຫະປະຊາຊາດກຳນົດ,ການຊຸກຍູ້ແລະຮັກສາສິດທິຂອງແມ່ຍິງບໍ່ພຽງແຕ່ແມ່ນເປົ້າຫມາຍສຳຄັນທໍ່ນັ້ນ,ຫາກຍັງແມ່ນເງື່ອນໄຂກ່ອນຫມູ່ໃນການບັນລຸການພັດທະນາແບບຍືນຍົງ.ມີແຕ່ແມ່ຍິງມີສິດທິຢ່າງເຕັມສ່ວນທໍ່ນັ້ນ,ຈຶ່ງສາມາດບັນລຸເປົ້າຫມາຍແຫ່ງການພັດທະນາສະຫັດສະວັດທັງຫມົດ.
ຜູ່ຕາງຫນ້າຈີນແລະບັນດາປະເທດລວມທັງຜູ່ຕາງຫນ້າປະເທດອາຊຽນພ້ອມດ້ວຍນັກຂ່າວຈີນແລະປະເທດຕ່າງໆລວມ 800 ກວ່າຄົນໄດ້ເຂົ້າຮ່ວມກອງປະຊຸມມື້ນີ້.
ຄະນະຜູ່ແທນລາວເຊິ່ງນຳໂດຍທ່ານນາງອ່ອນຈັນ ທຳມະວົງ ປະທານສະຫະພັນແມ່ຍິງລາວໄດ້ເຂົ້າຮ່ວມກອງປະຊຸມ,ຫຼັງຈາກພິທີໄຂກອງປະຊຸມແລ້ວ,ນັກຊ່າວໄດ້ສຳພາດທ່ານນາງອ່ອນຈັນ ທຳມະວົງ ປະທານສະຫະພັນແມ່ຍິງລາວ ຂໍເຊີນໃຫ້ເພິ່ນກ່າວຄວາມຮູ້ສຶກໃນການເຂົ້າຮ່ວມພິທີໄຂກອງປະຊຸມມື້ນີ້.
ຄວາມເວົ້າຂອງທ່ານນາງອ່ອນຈັນ ທຳມະວົງ
|
