|
|
 |
| (GMT+08:00)
2005-09-01 10:48:20
|
 |
|
ຈຳນວນຄົນຕາຍໃນອຸບປະຕິເຫດຈົມນ້ຳແລະຢຽບກັນທີ່ເກີດຂຶ້ນຢູ່ແບກແດດໄດ້ເພີ່ມຂຶ້ນ ປະຊາຄົມໂລກສະແດງຄວາມໄວ້ອາໄລ
cri
Author: cai
ຕາມຂ່າວCRI:ຈຳນວນຄົນຕາຍໃນອຸບປະຕິເຫດຈົມນ້ຳແລະຢຽບກັນທີ່ເກີດຂຶ້ນຢູ່ແບກແດດໃນຕອນເຊົ້າວັນທີ 31 ສິງຫາໄດ້ເພີ່ມຂຶ້ນຕື່ມອີກ.ພ້ອມກັນນັ້ນ,ປະຊາຄົມໂລກທະຍອຍກັນສະແດງຄວາມໄວ້ອາໄລຕໍ່ເລື່ອງເສົ້າໂສກດັ່ງກ່າວ.
ຕາມສະຖິຕິຫຼ້າສຸດຂອງກະຊວງພາຍໃນອີຣັກ,ເຫດການຈົມນ້ຳແລະຢຽບກັນທີ່ເກີດຂຶ້ນໃນຕອນເຊົ້າວັນທີ 31 ສິງຫາໄດ້ພາໃຫ້ 965 ຄົນຕາຍ,ອີກ 465 ຄົນບາດເຈັບ.
ຕໍ່ເລື່ອງໂສກເສົ້າດັ່ງກ່າວ,ວັນທີ 31 ສິງຫາ,ທ່ານອານນານ ເລຂາທິການໃຫຍ່ສະຫະປະຊາຊາດໄດ້ອອກຖະແຫຼງການ,ສະແດງຄວາມຢື້ຢາມຖາມຂ່າວຕໍ່ຄອບຄົວຂອງຜູ້ຕາຍພ້ອມດ້ວຍລັດຖະບານແລະປະຊາຊົນອີຣັກ.ທ່ານເວົ້າວ່າ,ສະຫະປະຊາຊາດຍິນດີໃຫ້ຄວາມຊ່ວຍເຫຼືອທີ່ຈຳເປັນທັງໝົດແກ່ອີຣັກ.
ທ່ານມູຊາ ເລຂາທິການໃຫຍ່ສັນນິບາດປະເທດອາລາບໄດ້ອອກຖະແຫຼງການ,ສະແດງຄວາມໄວ້ອາໄລຕໍ່ລັດຖະບານແລະປະຊາຊົນອີຣັກ.
ມື້ດຽວກັນ,ເຈົ້າຊີວິດຊອກດານີແລະປະທານາທິບໍດີອີຣານກໍ່ຕ່າງໄດ້ສະແດງຄວາມໄວ້ອາໄລຕໍ່ປະທານາທິບໍດີແລະລັດຖະບານອີຣັກ,ແລະກ່າວວ່າຍິນດີໃຫ້ຄວາມຊ່ວຍເຫຼືອແກ່ອີຣັກ.
ມື້ດຽວກັນ,ໂຄສົກກະຊວງການຕ່າງປະເທດອາເມລິກາເວົ້າວ່າ,ອາເມລິກາຮູ້ສຶກເສຍດາຍຢ່າງສຸດເຊິ່ງຕໍ່ເຫດການຢຽບກັນທີ່ເກີດຂຶ້ນຢູ່ແບກແດດ.ອາເມລິກາຍິນດີໃຫ້ຄວາມຊ່ວຍເຫຼືອແກ່ລັດຖະບານອີຣັກກ່ຽວກັບເລື່ອງນີ້.
|
|
|
