ຕາມ​ຂ່າວສານ​ຊິນ​ຮວາ:ວັນ​ທີ1 ກັນຍາ, ສູນ​ກາງພັກ​ກອມ​ມູນິດ​ຈີນ ຄະນະ​ປະຈຳ​ສະພາຜູ້​ແທນ​ປະຊາຊົນ​ທົ່ວ​ປະ​ເທດ ຄະ​ນະ​ລັດຖະບານ ສະພາ​​ເປິກສາການ​ເມືອງ​ປະຊາຊົນ​ຈີນ​ແຫ່ງ​ຊາດ​ແລະ​ຄະນະ​ກຳມະການການ​ທະຫານ​ສູນ​ກາງ​​ໄດ້​ສົ່ງໂທລະ​ເລກ​ຊົມ​ເຊີຍ​ເຂດ​ຕິ​ເບ​ດປົກຄອງ​ຕົນ​ເອງ​ສ້າງ​ຕັ້ງຂຶ້ນ​ຄົບ​ຮອບ40ປີ.

ໂທລະ​ເລກ​ຊົມ​ເຊີຍ​ຂຽນ​ວ່າ,ປີ1965,​ເຂດຕີ​ເບ​ດປົກຄອງ​ຕົນ​ເອງ​ໄດ້​ສ້າງ​ຕັ້ງຂຶ້ນ,​​ໄດ້​ເປີດບົດ​ໃຫມ່​ຂອງ​ປະຫວັດ​ຕີ​ເບ​ດ.​ໃນ40ປິ​ມາ​ນີ້,​ພາຍ​ໃຕ້​ການ​ສະຫນັບ​ສະຫນຸນຂອງ​ສູນ​ກາງ​ແລະ​ທ້ອງ​ຖິ່ນຕ່າງໆ, ພູ​ພຽງຫິມະ​ໄດ້​ເກີດການປ່ຽນ​ແປ​ງອັນ​ມະຫາສານ.ຕີ​ເບ​ດ​ໃນ​ສູ່​ມື້​ນີ້,ການ​ເມືອງ​ມີສະ​ເຖຍລະ​ພາບ,​ເສດຖະກິດ​ພັດທະນາ,ສັງຄົມ​ສະຫງົບ,ບັນ​ຕາຊົນ​ເຜົ່າ​ສາມັກຄີກັນ.

ໂທ​ລະ​ເລກ​ຊົມ​ເຊີຍ​ກ່າວ​ວ່າ,ຜົນ​ສຳ​ເລັດ​ທີ່​ເຂດ​ຕີ​ເບ​ດປົກຄອງ​ຕົນ​ເອງ​​ໄດ້​ຮັບ​​ໃນ40ປີ​ແຕ່​ສ້າງ​ຕັ້ງ​ຂຶ້ນ​ເປັນ​ຕົ້ນ​ມາ​ໄດ້ສະ​ແດງ​ອອກ​ໃຫ້​ເຫັນ​ຢ່າງ​ເຕັມ​ສ່ວນ,ວ່າມີ​ແຕ່​ຍຶດຫມັ້ນການ​ນຳພາ​ຂອງ​ພັກ​ກອມ​ມູນິດ​ຈີນ,ຍຶດຫມັ້ນ​ລະບ​ອບ​ເຂດຊົນ​ເຜົ່າ​ປົກຄອງ​ຕົນ​ເອງທໍ່​ນັ້ນ,ຕີ​ເບ​ດຈຶ່ງ​ສາມາດ​ພັດທະນາ​ກ້າວຫນ້າ​ຮອບ​ດ້ານ​​ໄດ້.