|
ກອງປະຊຸມເວທີປາໄສທ່ອງທ່ຽວຂອງພາກພື້ນອາຊີຕາເວັນອອກປີ2005ໄດ້ເປີດສາກຢູ່ທີ່ນະຄອນສາງຊຸນຈີນ
cri
ຕາມຂ່າວCRI,ກອງປະຊຸມເວທີປາໄສການທ່ອງທ່ຽວພາກພື້ນອາຊີຕາເວັນອອກປີ2005ໄດ້ເປີດສາກຢູ່ ສາງຊຸນ ເມືອງພາກຕາເວັນອອກສຽງເໜືອຈີນໃນວັນທີ2ກັນຍາ,ເຈົ້າໜ້າທີ່ບໍລິຫານ,ນັກວິຊາການແລະຜູ້ຕາງໜ້າວິສາຫະກິດວົງການທ່ອງທ່ຽວຂອງຈີນ,ສ.ເກົາຫຼີ,ຟີລິບປິນ,ມົງໂກລີແລະປະເທດອື່ນໆລວມ150ຄົນໄດ້ເຂົ້າຮ່ວມກອງປະຊຸມ.
ກອງປະຊຸມເວທີປາໄສເທື່ອນີ້ຈະຈັດ3ມື້,ຫົວຂໍ້ແມ່ນສ້າງສາການທ່ອງທ່ຽວອາຊີຕາເວັນອອກທີ່ກົມກຽວກັນແລະຮ່ວມມືກັນ.ໃນໄລຍະກອງປະຊຸມເວທີປາໄສ,ຈະຈັດການເຄື່ອນໄຫວຕ່າງໆເຊັ່ນກອງປະຊຸມຄະນະປະຈຳເວທີປາໄສທ່ອງທ່ຽວພາກພື້ນອາຊີຕາເວັນອອກ,ກອງປະຊຸມສຸດຍອດຂັ້ນເຈົ້າແຂວງ,ງານຕະຫຼາດນັດທ່ອງທ່ຽວແລະອື່ນໆ.ຜູ້ທີ່ຮ່ວມປະຊຸມຈະດຳເນີນການຄົ້ນຄວ້າຫາລືບັນຫາຕ່າງໆເຊັ່ນເຮັດແນວໃດກໍ່ສ້າງແລະເສີມສ້າງຂອບການທ່ອງທ່ຽວພາກພື້ນອາຊີຕາເວັນອອກຕື່ມອີກ,ຊຸກຍູ້ການແລກປ່ຽນແລະຮ່ວມມືກັນລະຫວ່າງຊາດກ່ຽວກັບການທ່ອງທ່ຽວພາກພື້ນອາຊີຕາເວັນອອກ.
|
|
