|
|
(GMT+08:00)
2005-09-02 18:31:32
|
|
ເອຢິບເຕືອນອີສຣາແອນຢ່າສືບຕໍ່ສ້າງຈຸດຕັ້ງຖິ່ນຖານຊາວຢິວຢູ່ຝັ່ງຕາເວັນຕົກແມ່ນ້ຳຈໍແດນ
cri
ຕາມຂ່າວCRI ວັນທີ1 ກັນຍາ ໃນເວລາທ່ານເກອິດ ລັດຖະມົນຕີການຕ່າງປະເທດເອຢິບສົ່ງຈົດໝາຍໄປຍັງສີ່ຝ່າຍທີ່ກ່ຽວຂ້ອງກັບບັນຫາຕາເວັນ ອອກກາງ ຄື ສະຫະປະຊາຊາດ ສະຫະພາບເອີລົບ ອາເມລິກາແລະລັດເຊຍ, ທ່ານກ່າວວ່າ ຖ້າວ່າອີສຣາແອນສືບຕໍ່ສ້າງຈຸດຕັ້ງຖິ່ນຖານຊາວຢິວແລະກຳແພງຂັ້ນຢູ່ຝັ່ງຕາເວັນຕົກແມ່ນນ້ຳຈໍແດນແລ້ວ ຍ່ອມຈະພາໃຫ້ເກີດການປະທະກັນຢ່າງຮຸນແຮງຄັ້ງໃໝ່ລະຫວ່າງປາເລັສຕີນກັບອີສຣາແອນ,ກີດຂວາງການເຈລະຈາສັນຕິພາບລະຫວ່າງປາເລັສຕີນກັບອີສຣາແອນພ້ອມດ້ວຍຂະບວນວິວັດສັນຕິພາບຕາເວັນອອກກາງ.
ໃນຈົໝາຍສະບັບນັ້ນ ທ່ານເກອິດຍັງຮຽກຮ້ອງບັນດາຝ່າຍທີ່ກ່ຽວຂ້ອງສວຍໂອກາດດີທີ່ອີສຣາແອນຖອນອອກແຕ່ຝ່າຍດຽວນັ້ນຢ່າງເຕັມສ່ວນ ຊຸກຍູ້ປາເລັສຕີນກັບອີສຣາແອນຟຶ້ນຟູການເຈລະຈາສັນຕິພາບທາງການເມືອງ.
ນອກນັ້ນຂ່າວລາຍງານວ່າ ວັນທີ1 ກັນຍາ ເຈົ້າໜ້າທີ່ຜູ່ໜຶ່ງຂອງລັດຖະບານເອຢິບກ່າວວ່າ ມື້ດຽວກັນ ຢູ່ນະຄອນຫຼວງເລີແກ ເຈົ້າໜ້າທີ່ອາວຸໂສຝ່າຍທະຫານຂອງອີສຣາແອນແລະເອຢິບໄດ້ ຕົກລົງກັນ ເອຢິບຈະຈັດວາງທະຫານຢູ່ ເຂດຊາຍແດນລະຫວ່າງເອຢິບກັບແຖບກາຊາ ມີອຳນາດເຕັມຮັບຜິດຊອບ ກັ້ນກາງການເຄື່ອນໄຫວຄ້າຂາຍອາວຸດເຖື່ອນ ຈາກເອຢິບໄປແຖບກາຊາ.
|
|
|