|
ຫໍວິຈິດຕະກຳຈີນຈັດງານວາງສະແດງເຄື່ອງວິຈິດຕະກຳສາກົນຂະໜາດໃຫຍ່ເພື່ອລະລຶກສົງຄາມຕ້ານຟັດຊິດໄດ້ຮັບໄຊຊະນະຄົບຮອບ60ປີ
cri
ຕາມຂ່າວCRI,ງານວາງສະແດງເຄື່ອງວິຈິດຕະກຳສາກົນເພື່ອລະລຶກສົງຄາມຕ້ານຟັດຊິດໄດ້ຮັບໄຊຊະນະຄົບຮອບ60ປີໄດ້ຈັດຂຶ້ນຢູ່ຫໍວິຈິດຕະກຳຈີນໃນວັນທີ2ກັນຍາ.
ງານວາງສະແດງໄດ້ວາງສະແດງເຄື່ອງວິຈິດຕະກຳ500ກວ່າເຄື່ອງຂອງຫຼາຍປະເທດແລະເຂດແຄວ້ນເຊັ່ນຈີນ,ອາເມລິກາ,ສ.ເກົາຫຼີ,ເຢຍລະມັນ,ຍີ່ປຸ່ນ,ເຊັກ,ບຸນກາລີເປັນຕົ້ນ.ໃນນັ້ນ,ໄດ້ມີຮູບແຕ້ມທີ່ພິມຈາກແມ່ພິມທີ່ຄວັດໃສ່ແປ້ນເຊິ່ງປະດິດແຕ່ງໃນໄລຍະສົງຄາມປະຊາຊົນຈີນຕໍ່ຕ້ານຍີ່ປຸ່ນ,ຮູບແຕ້ມດ້ວຍສີນ້ຳມັນທີ່ພາດຫົວເລື່ອງວ່າການຖີ້ມລະເບີດໃສ່ນະຄອນຈຸ່ງກິ່ງຢ່າງຂະໜາດໃຫຍ່ທີ່ບັນທຶກຍີ່ປຸ່ນຖີ້ມລະເບີດໃສ່ປະຊາຊົນຈີນເຊິ່ງແຕ້ມໂດຍທ່ານອູໂຈເຢິນ ນັກວິຈິດຕະກຳທີ່ມີຊື່ສຽງຂອງຈີນ,ຮູບແຕ້ມເປັນຊຸດທີ່ພາດຫົວເລື່ອງວ່າ,ຢວນປ້າວທູເຊິ່ງແມ່ນທ່ານມາລູຄິອີລິ ແລະນາງອາຄາມາຊູ ໂທຊິໂຄ ຄູ່ຜົວເມຍຍີ່ປຸ່ນໃຊ້ເວລາ32ປີຈິ່ງແຕ່ງສຳເລັດ.
ເຈົ້າພາບຈັດງານວາງສະແດງເຫັນວ່າ,ງານວາງສະແດງເທື່ອນີ້ແມ່ນການຫວນຄືນແລະການລະລຶກຊະນິດໜຶ່ງ,ທັງໄດ້ສະແດງໃຫ້ເຫັນຄວາມປາຖະໜາທີ່ປະຊາຊົນໂລກຖະໜອມຮັກສັນຕິພາບ.
|
|
