|
|
 |
| (GMT+08:00)
2005-09-02 19:05:17
|
 |
|
ຫວຽດນາມສະຫຼອງວັນສ້າງຊາດຄົບຮອບ60ປີຢ່າງຄຶກຄຶ້ນ
cri
ຕາມຂ່າວສານຊີນຮວາ ວັນທີ2 ກັນຍາ ຢູ່ຮ່າໂນຍນະຄອນຫຼວງຫວຽດນາມ ລັດຖະບານຫວຽດນາມໄດ້ຈັດງານໂຮມຊຸມນຸມແລະສວນສະໜາມຢ່າງໃຫຍ່ໂຕມະໂຫລານ ເພື່ອສະເຫຼີມສະຫຼອງ ການປະຕິວັດເດືອນ8ໄດ້ຮັບໄຊຊະນະແລະສາທາລະນະລັດສັງຄົມນິຍົມຫວຽດນາມສະຖາປະນາຂຶ້ນຄົບ ຮອບ60ປີຢ່າງຄຶກຄື້ນ.
ເວລາກ່າວຄຳປາໄສໃນງານໂຮມຊຸມນຸມ ທ່ານເຈີງເດິກເຫຼືອງ ປະທານປະເທດຫວຽດນາມກ່າວວ່າ, 60ປີມານີ້ ໃຕ້ການນຳພາຂອງພັກກອມມູນິດຫວຽດນາມ ໂດຍສະເພາະແມ່ນນັບແຕ່ປີ1986ປະຕິບັດນະໂຍບາຍປ່ຽນແປງໃໝ່ແລະໄຂປະຕູສູ່ພາຍນອກມານີ້,ການສ້າງສາປະເທດຊາດຂອງຫວຽດ ນາມໄດ້ຮັບຜົນສຳເລັດຢ່າງຫຼວງຫຼາຍ ຊີວິດການເປັນຢູ່ທາງດ້ານຈິດໃຈແລະວັດຖຸຂອງປະຊາຊົນໄດ້ຮັບການປົວແປງດີຂຶ້ນຢ່າງວ່ອງໄວ, ໄດ້ປັບ ປຸງເອກະລາດແຫ່ງຊາດໃຫ້ໝັ້ນຄົງ ຮັກສາຄວາມໝັ້ນຄົງດ້ານການປ້ອງກັນຊາດ ຖານະສາກົນຂອງຫວຽດນາມກໍ່ໄດ້ຍົກສູງຂຶ້ນ.
ທ່ານຮຽກຮ້ອງ ທົ່ວພັກ ປະຊາຊົນທົ່ວທັງຊາດ ແລະທົ່ວກອງທັບ ຫວຽດນາມຈົ່ງສາມັກຄີເປັນເອກະສັນກັນ, ພະຍາຍາມສ້າງຫວຽດນາມໃຫ້ ກາຍເປັນປະເທດພັດທະນາໃນຫຼາຍສິບປີຂ້າງໜ້ານີ້.
ຫຼັງຈາກນັ້ນຍັງໄດ້ສວນສະໜາມແລະມະຫາຊົນເດີນຂະບວນຢ່າງມະຫາສານ.
|
|
|
