|
ຕາມຂ່າວCRI: ກອງປະຊຸມລະລຶກສົງຄາມປະຊາຊົນຈີນຕໍ່ຕ້ານຍີ່ປຸ່ນແລະສົງຄາມໂລກຕ້ານຟັດຊິດຮັບໄຊຊະນະຄົບຮອບ 60 ປີໄດ້ຈັດຂຶ້ນຢູ່ປັກກິ່ງໃນຕອນເຊົ້າວັນທີ 3 ກັນຍາ.ທ່ານຫູຈິນທາວ ປະທານປະເທດຈີນໄດ້ກ່າວຄຳປາໄສຢູ່ທີ່ປະຊຸມວ່າ,ແຕ່ໃດມາ ຊາດຈີນກໍໂຄລົບຄວາມເປັນທຳ ຮັກຫອມສັນຕິພາບ,ບໍ່ຢ້ານຄວາມໂຫດຮ້າຍປ່າເຖື່ອນ ບໍ່ອ່ອນຍອມຕໍ່ກຳລັງໜີບໃດໆຂອງພາຍນອກ.ຈີນຈະເດີນຕາມເສັ້ນທາງພັດທະນາໂດຍສັນຕິຢ່າງໝັ້ນໜຽວບໍ່ປ່ຽນແປງ.
ທ່ານຫູຈິນທາວເວົ້າວ່າ,ປະຊາຊົນຈີນໄດ້ຮັບໄຊຊະນະອັນຍິ່ງໃຫຍ່ໃນສົງຄາມຕໍ່ຕ້ານຍີ່ປຸ່ນນັ້ນ,ແມ່ນຜົນທີ່ພີ່ນ້ອງຮ່ວມຊາດທົ່ວປະເທດຈີນສາມັກຄີກັນສູ້ລົບ,ກໍແມ່ນຜົນທີ່ປະຊາຊົນຈີນພ້ອມກັບປະຊາຊົນບັນດາປະເທດສະຫະພັນຕ້ານຟັດຊິດຄຽງບ່າຄຽງໄຫຼ່ກັນສູ້ລົບ.
ນັກລົບເກົ່າຕໍ່ຕ້ານ ຜູ້ຮັກຊາດຢູ່ພົ້ນທະເລ ເພື່ອນມິດສາກົນຫຼືຍາດພີ່ນ້ອງຂອງຜູ້ເສຍຊີວິດທີ່ມາຈາກ 20 ກວ່າປະເທດຄືອາເມລິກາ ຍີ່ປຸ່ນ ສ.ເກົາຫຼິ ສປປເກົາຫຼີ ອິນເດຍແລະອັງກິດເປັນຕົ້ນ ພ້ອມກັບບຸກຄົນວົງການຕ່າງໆໃນສັງຄົມຈີນປະມານ 6 ພັນຄົນໄດ້ເຂົ້າຮ່ວມກອງປະຊຸມລະລຶກ.
1 2
|
