ຕາມ​ຂ່າວສານ​ຊິນ​ຮວາ: ວັນ​ທີ 3 ກັນຍາ​ຢູ່​ທີ່​ປັກ​ກິ່ງ, ທ່ານ​ເຈຍ​ຊິ້ງລິນ ປະທານ​ສະພາ​ປຶກ​ສາ​ການ​ເມືອງ​ປະຊາຊົນ​ແຫ່ງ​ຊາດ​ຈີນ​ໄດ້​ພົບ​ປະ​ນັກຮົບ​ເກົ່າ​ຕໍ່ຕ້ານ​ຂອງ​ໄຕ້​ຫວັນ​ທີ່​ມາ​ເຂົ້າ​ຮ່ວມ​ງານ​ລະ​ລຶກສົງຄາມ​ປະຊາຊົນ​ຈີນ​ຕໍ່ຕ້ານ​ຍີ່ປຸ່ນ​ແລະ​ສົງຄາມ​ໂລກ​ຕໍ່ຕ້ານ​ຟາດ​ສິດ​ໄດ້​ຮັບ​ໄຊ​ຊະ​ນະ​ຄົບຮອບ 60 ປີ.

ທ່ານ​ເຈຍ​ຊິ້ງລິນ​ກ່າວ​ວ່າ, ​ເມື່ອ​ຫວນ​ຄືນ​ປະຫວັດ​ສົງຄາມ​ຕໍ່ຕ້ານ, ຄວາມ​ບົ່ງ​ບອກ​ອັນ​ສຳ​ຄັນ​ກວ່າ​ໝູ່​ແມ່ນ ພີ່​ນ້ອງ​ຮ່ວມ​ຊາດ​ທັງ​ສອງ​ຝັ່ງ​ສາມັກຄີ​ກັນ​ເຂົ້າ, ​ເດັດດ່ຽວ​ຄັດຄ້ານ​ການ​ເຄື່ອນ​​ໄຫວ​ແບ່ງ​ແຍກ​ຂອງ​ອິດ​ທິກຳລັງ​ແຍກ​ໄຕ້​ຫວັນ​ໃຫ້​ເປັນ​ເອກະລາດ, ຊຸກ​ຍູ້​ຂະ​ບວນວິວັດ​ໂຮມ​ປະ​ເທດ​ຊາດ​ເຂົ້າ​ເປັນ​ເອກະ​ພາບ​ກັນ​ໂດຍ​ສັນຕິ.