ຕາມ​ຂ່າວCRI: ວັນ​ທີ 3 ກັນຍາ​ຢູ່​ທີ່​ປັກ​ກິ່ງ, ທ່ານ​ເຈ​ຍຊິ້ງລິນ ປະທານ​ສະພາ​ປຶກ​ສາ​ການ​ເມືອງ​ປະຊາຊົນ​ແຫ່ງ​ຊາດ​ຈີນ​ກ່າວ​ວ່າ, ພັກ​ກອມ​ມູນິດ​ຈີນ​ແມ່ນ​ເສົາຄ້ຳ​ອັນ​ໝັ້ນ​ແກ່ນ​ຂອງ​ທົ່ວ​ປະ​ຊາ​ຊາດ​ຈີນ​ທີ່ສາມັກຄີ​ກັນ​ຕໍ່ຕ້ານຍີ່ປຸ່ນ.

ທ່ານ​ເຈຍ​ຊິ້ງລິນ​ແມ່ນ​ໃຫ້​ທັດສະນະ​ດັ່ງກ່າວ​ໃນ​ງານ​ສົນທະນາ​ລະ​ລຶກສົງຄາມ​ປະ​ຊາ​ຊົນ​ຈີນ​ຕໍ່ຕ້ານ​ຍີ່ປຸ່ນ​ໄດ້​ຮັບ​ໄຊຊະນະ​ຄົບຮອບ 60 ປີ​ທີ່​ມີ​ຜູ່ຮັກ​ຊາດຢູ່​ຈີນແລະຢູ່​ຕ່າງປະ​ເທດ ນາຍ​ພົນ​ຕໍ່​ຕ້ານ​ຍີ່ປຸ່ນ​ແລະ​ຄອບຄົວ​ຂອງ​ເຂົາ​ເຈົ້າ​ເຂົ້າຮ່ວມ. ພ້ອມ​ກັນນັ້ນ ທ່ານ​ໄດ້​ຢືນ​ຢັນ​ການ​ອຸ​ທິດ​ຂອງ​ພັກ​ກົກ​ມິນ​ຕັງ​ຈີນ​​ເພື່ອ​ໄຊຊະນະຂອງສົງຄາມຕໍ່ຕ້ານ, ​ແລ​ະກ່າວ​ວ່າ ປະ​ຊາ​ຊົນ​ບັນ​ດາ​ຊົນ​ເຜົ່າ​​ໃນທົ່ວ​ປະ​ເທດຈີນ ​ເຊິ່ງລວມທັງ​ພີ່ນ້ອງ​ຮ່ວມ​ຊາດ​ຮົງ​ກົງ​ມາ​ກາວ ​ແລະ​ພີ່​ນ້ອງ​ຮ່ວມ​ຊາດ​ໄຕ້​ຫວັນ​ໄດ້​ສະ​ໜອງ​ການ​ສະໜັບ​ສະ​ໜູນ​​ອັນ​ແຂງ​ແຮງ​ເພື່ອ​ໄຊ​ຊະ​ນະຂອງສົງຄາມຕໍ່​ຕ້ານ.