|
ຕາມຂ່າວ CRI: ການເຄື່ອນໄຫວລະລຶກສົງຄາມປະຊາຊົນຈີນຕໍ່ຕ້ານຍີ່ປຸ່ນແລະສົງຄາມໂລກຕ້ານຟາດສິດໄດ້ຮັບໄຊຊະນະຄົບຮອບ 60 ປີໄດ້ຈັດຂຶ້ນຢູ່ທີ່ປັກກິ່ງໃນວັນທີ 3 ກັນຍາຢ່າງຄຶກຄື້ນ. ສື່ມວນຊົນອາຊີໄດ້ເອົາໃຈໃສ່ໃນລະດັບສູງຕໍ່ການເຄື່ອນໄຫວລະລຶກແລະຄຳປາໄສສຳຄັນຂອງທ່ານຫູຈິນທາວ ປະທານປະເທດຈີນ, ແລະໄດ້ລາຍງານຂ່າວຢ່າງລະອຽດ.
ສື່ມວນຊົນຍີ່ປຸ່ນເຊັ່ນ ໜັງສືພິມອາຊາຮີ ຊີມບຸນເປັນຕົ້ນເຫັນວ່າ, ຄຳປາໄສຂອງທ່ານຫູຈິນທາວ ປະທານປະເທດຈີນ ໄດ້ສະແດງໃຫ້ເຫັນຄວາມປາຖະໜາສອງອັນຂອງຈີນ ຄື ໃນຂະນະລະລຶກສົງຄາມຕໍ່ຕ້ານໄດ້ຮັບໄຊຊະນະຄົບຮອບ 60 ປີຢ່າງຄຶກຄື້ນນັ້ນ ກໍ່ເນັ້ນໜັກຈີນຍີ່ປຸ່ນໃຫ້ມີໄມຕີຈິດຕໍ່ກັນ, ໄດ້ສະແດງໃຫ້ເຫັນທິດທາງເດີນໄປຕາມເສັ້ນທາງພັດທະນາໂດຍສັນຕິຂອງຈີນຢ່າງເດັ່ນຊັດ, ໄດ້ເນັ້ນໜັກຄວາມເປັນເອກະພົບດຽວຂອງສອງຝັ່ງຊ່ອງແຄບໄຕ້ຫວັນ.
ໂທລະພາບKBSໄດ້ແນະນຳເນື້ອໃນກ່ຽວກັບຈີນສະແຫວງຫາຢູ່ຮ່ວມກັນໂດຍສັນຕິກັບໂລກທີ່ທ່ານຫູຈິນທາວກ່າວໃນຄຳປາໄສ.ສື່ມວນຊົນສ.ເກົາຫຼີຍັງລາຍງານວ່າ,ໃນຄຳປາໄສ ທ່ານຫູຈິນທາວໄດ້ທວງໃຫ້ຍີ່ປຸ່ນປະຕິບັດຕໍ່ບັນຫາປະຫວັດສາດດຢ່າງເຄັ່ງຂືມ,ຕ້ອງຂໍອະໄພໂທດແລະສຳຫຼວດຕົນເອງດ້ວຍການກະທຳ.
ສື່ມວນຊົນສິງກະໂປ ໄທ ຟິລິບປິນແລະກຳປູເຈຍເປັນຕົ້ນ ໄດ້ຕີລາຄາຢ່າງຕັ້ງໜ້າຕໍ່ການເຄື່ອນໄຫວລະລຶກຂອງຈີນ, ເຫັນວ່າ ຍີ່ປຸ່ນຄວນປະຕິບັດຕໍ່ປະຫວັດຮຸກຮານຢ່າງຖືກຕ້ອງ ດ້ວຍທ່າທີອັນຕັ້ງໜ້າ, ຊຳລະບັນຫາປະຫວັດສາດຢ່າງເໝາະສົມ.
|
