ທ່ານຊາຣອນເວົ້າວ່າ ຈະເປີດກວ້າງສ້າງຈຸດຕັ້ງຖິ່ນຖານຊາວອິວຢູ່ຝັ່ງຕາເວັນຕົກແມ່ນ້ຳຈໍແດນ
cri
Author: cai
ຕາມຂ່າວCRI:ວັນທີ 5 ກັນຍາ,ວິທະຍຸອິດສະລະແອນລາຍງານວ່າ,ໃນເວລາທ່ານຊາຣອນ ນາຍົກລັດຖະມົນຕີອິດສະລະແອນພົບປະສະມາຊິກສ່ວນໜຶ່ງຂອງກຸ່ມລິຄຸດຢູ່ເຢລຸຊາເລັມໃນຕອນຄ່ຳວັນທີ 5 ກັນຍາ,ທ່ານເວົ້າວ່າ,ອິດສະລະແອນຈະເປີດກວ້າງສ້າງຈຸດຕັ້ງຖິ່ນຖານຊາວອິວທີ່ສຳຄັນຢູ່ຝັ່ງຕາເວັນຕົກແມ່ນ້ຳຈໍແດນຕໍ່ໄປ.
ທ່ານຊາຣອນເວົ້າວ່າ,ອິດສະລະແອນຈະສືບຕໍ່ສ້າງຈຸດຕັ້ງຖິ່ນຖານຊາວອິວທີ່ມີຂະໜາດໃຫຍ່ຢູ່ຝັ່ງຕາເວັນຕົກແມ່ນ້ຳຈໍແດນຫຼາຍແຫ່ງເຊິ່ງລວມທັງມາ ອານ ອາຕູມິມແລະອາລີເອນ.ທ່ານຍັງເວົ້າວ່າ,ຕໍ່ໄປພາຍໜ້າ,ອິດສະລະແອນຈະບໍ່ມີການເຄື່ອນໄຫວຖອນຕົວທີ່ມີຂະໜາດໃຫຍ່ຄືການຖອນອອກຈາກກາຊາອີກແລ້ວ.
|
|