|
ຕາມຂ່າວcri:ວັນທີ6 ກັນຍາຢູ່ທີ່ປັກກິ່ງ,ທ່ານເວິນເຈຍປາວ ນາຍົກລັດຖະມົນຕີຈີນ ເຈລະຈາກັບທ່ານໂທນີ ແບຼ ນາຍົກລັດຖະມົນຕີອັງກິດ,ສອງຝ່າຍເປັນເອກະສັນກັນສະແດງວ່າ,ຄວນສືບຕໍ່ຮັກສາແລະຊຸກຍູ້ທ່ວງທ່າອັນດີງາມທີ່ຂະຫຍາຍການພົວພັນຄູ່ຂາຍຸດທະສາດຮອບດ້ານລະຫວ່າງຈີນອັງກິດ.
ເພື່ອເພີ່ມທະວີການພົວພັນລະຫວ່າງຈີນອັງກິດ,ທ່ານເວິນເຈຍປາວສະເຫນີໃຫ້ສອງຊາດຄວນເພີ່ມທະວີການສົນທະນາແລະການຮ່ວມມືການເມືອງ,ສືບຕໍ່ຊຸກຍູ້ການຮ່ວມມືທີ່ມີລັກສະນະທາດແທ້ໃນບານດາຂົງເຂດ,ແລະພ້ອມກັນອອກແຮງແກ້ໄຂບັນຫາກວມໂລກ.ທ່ານກ່າວວ່າ,ສອງຊາດຄວນເພີ່ມທະວີການຄ້າແລະການລົງ ທຶນ,ສະຫນັບສະຫນຸນການຮ່ວມມືຂອງວິສາຫະກິດພະລັງງານ,ແລະດຳເນີນການຮ່ວມມືກ່ຽວຂ້ອງກັບວຽກງານກິລາໂອແລມປິກ,ພ້ອມກັນນັ້ນກໍກະກຽມສ້າງກົນໄກເຈລະຈາກ່ຽວກັບການພັດທະນາແບບຍືນຍົງຂອງຈີນກັບອັງກິດ.
ທ່ານແບຼເຫັນດີນຳຂໍ້ສະເຫນີຂອງທ່ານເວິນເຈຍປາວ.
|
