|
ທະນາຄານກາງຂອງອິນໂດເນເຊຍວາງມາດຕະການໃໝ່ກ່ຽວກັບການຕິດຕາມຄຸ້ມຄອງການຄ້າຂາຍເງິນຕາຕ່າງປະເທດເພື່ອເຮັດໃຫ້ຄ່າເງິນຕາໝັ້ນທ່ຽງ
cri
Author: cai
ຕາມຂ່າວສານຊິນຮວາ:ຕອນຄ່ຳວັນທີ 6 ກັນຍາ,ເຈົ້າໜ້າທີ່ທະນາຄານກາງຂອງອິນໂດເນເຊຍໄດ້ປະກາດຕໍ່ວົງການໜັງສືພິມວ່າ,ພາຍຫຼັງໄດ້ວາງມາດຕະການການເງິນ 6 ຂໍ້ທີ່ເຮັດໃຫ້ອັດຕາແລກປ່ຽນເງິນຣູເປຍຂອງອິນໂດເນເຊຍໝັ້ນທ່ຽງໃນຫວ່າງກ່ອນນີ້,ທະນາຄານກາງອິນໂດເນເຊຍຕົກລົງວາງມາດຕະການຕິດຕາມຄຸ້ມຄອງການຄ້າຂາຍເງິນຕາຕ່າງປະເທດອີກ 4 ຂໍ້.
ເຈົ້າໜ້າທີ່ຜູ້ນີ້ເວົ້າວ່າ,ທະນາຄານກາງອິນໂດເນເຊຍຈະຫ້າມຄ້າຂາຍເງິນຕາຕ່າງປະເທດຢູ່ສະຖານທີ່ບໍ່ເປັນທາງການແຕ່ວັນທີ 15 ກັນຍາເປັນຕົ້ນໄປ,ຈະແຊກແຊງອັດຕາແລກປ່ຽນເງິນຕາລະຫວ່າງໂດລາສະຫະລັດກັບຣູເປຍແຫ່ງອິນໂດເນເຊຍຢູ່ຕະຫຼາດເງິນຕາຕ່າງປະເທດ,ແລະໃຊ້ມາດຕະການປົກປ້ອງຊັບສິນຂອງຜູ້ລົງທຶນ.
ທະນາຄານກາງຂອງອິນໂດເນເຊຍຍັງຕົກລົງຍົກສູງດອກເບ້ຍອີກ,ເພື່ອສະກັດກັ້ນບໍ່ໃຫ້ອັດຕາແລກປ່ຽນຣູເປຍແຫ່ງອິນໂດເນເຊຍຫຼຸດລົງຢ່າງເນື່ອງນິດ.
|
|
