|
ວິທະຍາຍຸດຊຸນຈື້ ບົດປະພັນທິດສະດີການທະຫານທີ່ຍິ່ງໃຫຍ່ກວ່າຫມູ່ໃນສະໄຫມບູຮານຂອງຈີນ ແລະກໍ່ແມ່ນບົດປະພັນບູຮານຈີນທີ່ມີຜົນສະທ້ອນຫຼາຍກວ່າຫມູ່ແລະກວ້າງຂວາງກວ່າຫມູ່ໃນໂລກ
ວິທະຍາຍຸດຊຸນຈື້ໄດ້ແຕ່ງສຳເລັດເມື່ອ2500 ປີກ່ອນ,ແມ່ນບົດປະພັນທິດສະດີການທະຫານກ່ອນກວ່າຫມູ່ໃນໂລກ,ຍັງແຕ່ງກ່ອນປຶ້ມທິດສະດີສົງ ຄາມທີ່ທ່ານຄຼາວເສ ວິສ ແຕ່ງນັ້ນຕັ້ງ 2300 ປີ, ທ່ານຊຸນອູ ນັກແຕ່ງວິທະຍາຍຸດຂອງຊຸນຈື້ແມ່ນນັກການທະຫານທີ່ຍິ່ງໃຫຍ່ໃນສະໄຫມຊຸນຊິ່ວຂອງຈີນ,ໃນປະຫວັດສາດຈີນຖືກຂະຫນານນາມເປັນປັດສະຍະເມທີທາງການທະຫານຫປັດສະຍະເມທີດ້ານລົບ.ໃນຄາວນັ້ນ,ເພື່ອຫຼົບຫຼີກຄວາມວຸ້ນວາຍໃນຍາມສົງຄາມ,ທ່ານຊູນອູໄດ້ຫນີໄປຮອດລັດອູ,ຖືກເຈົ້າຊີວິດອູແຕ່ງຕັ້ງເປັນພົນເອກ,ໄດ້ເອົາຊະນະກອງທະຫານ 2 ແສນຄົນຂອງລັດສູດ້ວຍທະ ຫານ 3 ຫມື່ນຄົນ,ມີອິດທິພົນຊື່ສຽງໃນລັດຕ່າງໆ.ທ່ານຊຸນອູໄດ້ສະຫຼຸບບົດຮຽນສົງຄາມໃນທ້າຍສະໄຫມຊຸນຊິ່ວແລະໃນເມື່ອກ່ອນຂອງຈີນ,ແລະແຕ່ງປຶ້ມວິທະຍາຍຸດຊຸນຈື້,ເຜີຍໃຫ້ຮູ້ກົດເກນການທະຫານທີ່ມີລັກສະ ນະທົ່ວໄປຕ່າງໆ,ຍົກໃຫ້ເຫັນລະບົບທິດສະດີການທະຫານອັນຄົບຖ້ວນຊຸດຫນຶ່ງ.
ວິທະຍາຍຸດຊຸນຈື້ລວມມີ 6 ພັນກວ່າຕົວຫນັງສຈີນື,ແບ່ງເປັນ 13 ບົດ,ແຕ່ລະບົດລ້ວນແຕ່ມີແນວຄຶດຫົວຂໍ້ຕົ້ນຕໍອັນຫນຶ່ງ.ຕົວຢ່າງຄື:ບົດຄວາມກົນອຸບາຍໄດ້ອະທິ ບາຍບັນຫາທີ່ກໍ່ສົງຄາມໄດ້ຫຼືບໍ່,ມັນຊີ້ໃຫ້ເຫັນການພົວພັນລະຫວ່າງສົງຄາມກັບການເມືອງແລະເສດຖະກິດຢ່າງເລິກເຊິ່ງ,ສະເຫນີວ່າປັດໄຈຕົ້ນຕໍ 5 ຂໍ້ທີ່ຊີ້ຂາດສົງຄາມ ຈະຊະນະຫຼືເສຍໄຊນັ້ນແມ່ນການເມືອງ ເງື່ອນໄຂດິນຟ້າອາກາດ ທ່າແຮງທາງພູມີສາດ ນາຍພົນແລະລະບອບ ກົດຫມາຍ,ສ່ວນຕົ້ນຕໍທີ່ສຸດກໍ່ແມ່ນປັດໄຈການເມືອງ.ບົດສູ້ລົບໄດ້ອະທິບາຍສົງຄາມແມ່ນດຳເນີນໄປແນວໃດ.ບົດກົນອຸບາຍບຸກໂຈມຕີໄດ້ອະທິບາຍຈະບຸກໂຈມຕີລັດສັດຕູແນວໃດ.ທ່ານຊຸນອູມີເຈດຈຳນົງພະຍາຍາມຈົນສຸດຂີດໃຊ້ຄ່າຕອບແທນຫນ້ອຍທີ່ສຸດມາຮັບຜົນສຳເລັດໃຫຍ່ກວ່າຫມູ່,ກໍຄື ຍາດແຍ່ງບໍ່ເລວກັນກໍ່ເອົາຊະນະໄດ້,ບໍ່ອາໄສແຕ່ການບຸກໂຈມຕີຢ່າງຮຸນແຮງກໍ່ຍຶດເອົາເມືອງຂອງສັດຕູໄດ້,ບໍ່ຕ້ອງການເລວກັນເປັນເວລາດົນນານກໍ່ດັບສູນລັດສັດຕໄດູ້.ເພື່ອບັນລຸເປົ້າຫມາຍດັ່ງກ່າວ,ທ່ານກ່າວເນັ້ນເປັນພິເສດວ່າຄວາມເອົາຊະນະດ້ວຍກົນອຸບາຍ,ທ່ານຊີ້ອອກວ່າ:ກົນອຸບາຍດີກວ່າຫມູ່ໃນດ້ານການທະຫານກ່ອນອື່ນແມ່ນເອົາຊະນະດ້ວຍກົນອຸບາຍທາງການເມືອງ,ຖັດມາແມ່ນເອົາຊະນະດ້ວຍພາຫະນະການຕ່າງປະເທດ,ພາຍຫຼັງມາແມ່ນເອົາຊະນະດ້ວຍກຳລັງອາວຸດ,ກົນອຸບາຍລຸນກວ່າຫມແມ່ນບຸກໂຈມຕີ,ຄັນຢາກບຸກໂຈມຕີດ້ວຍກົນອຸບາຍບໍ່ພຽງແຕ່ຕ້ອງການຮູ້ຈັກກຳລັງຕົວຈິງຂອງຕົນເທົ່າ ນັ້ນ,ຍັງຕ້ອງຮູ້ຈັກສະພາບການຂອງຝ່າຍກົງກັນຂ້າມ.ໃນບົດໃຊ້ຈາລະຊົນ,ທ່ານຊຸນວູ້ຊີ້ອອກວ່າ,ຄັນຢາກຮູ້ຈັກສະພາບຂອງສັດຕູກ່ອນ,ກໍ່ຕ້ອງຊ່າງໃຊ້ຈາລະຊົນຊະນິດຕ່າງໆ,ເພື່ອໄດ້ຂ່າວກອງຢ່າງກວ້າງຂວາງ.ແນວຄິດວາງກົນ ອຸບາຍແລະແນວຄິດປັດຊະຍາທີ່ບັນລະຍາຍໃນປຶ້ມນີ້ຖືກນຳໃຊ້ຢ່າງກວ້າງຂວາງໃນຂົງເຂດຕ່າງໆເຊັ່ນ,ການທະຫານ ການເມືອງແລະເສດ ຖະກິດເປັນຕົ້ນ.ວິທະຍາຍຸດຊຸນຈື້ ລວມມີແນວຄິດປັດຊະຍາທີ່ມີມູນຄ່າຢ່າງຫຼວງຫຼາຍ.ຕົວຢ່າງຄື ມີປະໂຫຍກຫນຶ່ງ ໃນບົດນີ້ ເວົ້າວ່າ ຮູ້ເຮົາຮູ້ເຂົາ ຮ້ອຍລົບບໍ່ພ່າຍຈຶ່ງໄດ້ກາຍເປັນຄວາມເວົ້າທີ່ສາມັນຊົນຈີນຮູ້ຈັກກັນຫມົດ
ວິທະຍາຍຸດຊຸນຈື້ມີແນວຄິດສັດຈະວິພາກຢ່າງອຸດົມສົມບຸນ,ໃນປຶ້ມເຫຼັ້ມນີ້ໄດ້ຊອກຄົ້ນຄວາມເປັນປໍລະປັກກັນແລະການປ່ຽນແປງຂອງ ຄວາມຂັດແຍ່ງຕ່າງໆກ່ຽວກັບສົງຄາມ,ເຊັ່ນ:ສັດຕູກັບຝ່າຍເຮົາ ຫຼາຍກັບຫນ້ອຍ ກຳລັງເຂັ້ມແຂງແລະກຳລັງອ່ອນແອ ການບຸກໂຈມຕີແລະການປ້ອງກັນຮັກສາ ເອົາຊະນະແລະເສຍໄຊ ຜົນໄດ້ຜົນເສຍເປັນຕົ້ນ. ວິທະຍາຍຸດຊຸນຈື້ໄດ້ສະເຫນີຍຸດທະສາດແລະຍຸດທະວິທີສົງຄາມຂອງເຂົາບົນພື້ນຖານທີ່ຄົ້ນຄວ້າຄວາມຂັດແຍ່ງຊະນິດຕ່າງໆແລະເງື່ອນໄຂປ່ຽນແປງຂອງເຂົາ.ແນວຄິດປັດຊະຍາທີ່ສະແດງໃຫ້ເຫັນໃນວິທະຍາຍຸດຊຸນຈື້ນັ້ນກວມຖານະອັນສຳຄັນໃນປະຫວັດການພັດທະນາຈິນຕະນາການສັດຈະວິພາກຂອງຈີນ.ວິທະຍາຍຸດຊຸນຈື້ໄດ້ກ່ຽວເຖິງການທະຫານ,ທັງໄດ້ກ່າວເຖິງຍຸດທະທະວິທີສູ້ລົບແລະກົນອຸບາຍລາຍຫຼ່ຽມເປັນຕົ້ນ,ຖືກນັກການທະຫານທຸກສະໄຫມນຳໃຊ້ຢ່າງກວ້າງຂວາງ,ໃນປຶ້ມມເຫຼັ້ມນີ້ມີຊື່ກົນອຸບາຍແລະສຸພາສິດ,ກໍ່ເຮັດໃຫ້ຍິງຊາຍນ້ອຍໃຫຍ່ຢູ່ຈີນຮູ້ຈັກກັນຫມົດ.ລະບົບແນວຄິດການທະຫານປັດຊະຍາທີ່ສຸຂຸມຮອບຄອບ ຫຼັກມູນປັດຊະຍາທີ່ເລິກເຊິ່ງ ຍຸດທະສາດແລະຍຸດທະວິທີທີ່ມີການປ່ຽນແປງຢ່າງຫຼວງຫຼາຍໃນວິທະຍາຍຸດຊຸນຈື້ແລະເມື່ອອ່ານເມື່ອໃດກໍ່ມີຄວາມຮູ້ສຶກໃຫມ່ນັ້ນໄດ້ມີຜົນສະທ້ອນຢ່າງກວ້າງຂວາງໃນຂົງເຂດແນວຄິດການທະຫານຂອງໂລກ,ແລະມີຊື່ສຽງສູງດົ່ງດັງທີ່ສຸດ ປຶ້ມເຫຼັ້ມນີ້ຖືກແປເປັນ29 ພາສາເຊັ່ນ:ພາສາອັງກິດ ພາສາລັດເຊຍ ພາສາ ເຢຍລະມັນແລະພາສາຍີ່ປຸ່ນເປັນຕົ້ນ,ໃນທ່ົວໂລກມີປຶ້ມພິມຈຳຫນ່າຍກ່ຽວກັບວິທະຍາຍຸດຊຸນຈື້ຫຼາຍພັນຊະນິດ,ໂຮງຮຽນທະຫານຂອງປະເທດບໍ່ຫນ້ອຍຈັດເອົາປື້ມເຫຼັ້ມນີ້ເປັນແບບຮຽນ.ຕາມລາຍງານວ່າ,ໃນໄລຍະສົງຄາມອ່າວເປີເຊ່ຍເມື່ອປີ 1991,ສອງຝ່າຍທີ່ສູ້ລົບກັນລ້ວນແຕ່ເຄີຍຄົ້ນຄວ້າວິທະຍາຍຸດຊຸນຈື້,ເພື່ອຖອດຖອນເອົາບົດຮຽນຂອງແນວຄິດການທະຫານໃນປຶ້ມນີ້ມາຊີ້ນຳສົງຄາມ.ວິທະຍາຍຸດຊຸນຈື້ກໍ່ຖືກນຳໃຊ້ໃນຂົງເຂດສັງຄົມແລະການຄ້າເປັນຕົ້ນຢ່າງກວ້າງຂວາງ.ວິສາຫະກິດແລະນັກທຸລະກິດຢ່າງຫຼວງຫຼາຍຂອງຈີນແລະຕ່າງປະເທດໄດ້ນຳໃຊ້ແນວຄິດວິທະຍາຍຸດຊຸນຈື້ເຂົ້າໃນການຄວບຄຸມການທຸລະກິດແລະການຈຳຫນ່າຍໃນຕະຫຼາດເປັນຕົ້ນ,ປຶ້ມການທະຫານນຳໃຊ້ເຂົ້າໃນການທຸລະກິດນັ້ນໄດ້ເສີມຂະຫຍາຍປະສິດທິຜົນຢ່າງຕັ້ງຫນ້າ
|
