ປະເພດທີໜຶ່ງແມ່ນໝູແຮມກັບເຄື່ອງດື່ມນົມສົມຫວານ,ມັກຈະພາໃຫ້ເປັນໂຣກມະເຮັງ. ຜູ້ທີ່ມັກກິນແຊນເດີວິດກັບນົມສົມຫວານນັ້ນຕ້ອງລະວັງ,ເພາະໝູແຮມແລະຊີ້ນເຄັມເບຄອນໃນແຊນເດີວິດ ຖ້າກິນນຳກັນກັບເຄື່ອງດື່ມນົມສົມຫວານມັກຈະພາໃຫ້ເປັນໂຣກມະເຮັງ. ເພື່ອໃຫ້ຊີ້ນປະເພດນີ້ໄວ້ໄດ້ດົນ,ຜູ້ຜະລິດອາຫານຕ້ອງໃສ່ນີຕຼາດເພື່ອປ້ອງກັນບໍ່ໃຫ້ຊີ້ນເນົ່າແລະເກີດແມ່ພະຍາດຍາວໂບຕູລິນ,ເມື່ອທາດນີຕຼາດໄປພົບອາສິດອິນຊີ,ມັນກໍຈະກາຍເປັນນີໂຕຼຊາມິນ ວັດຖຸທີ່ຈະພາໃຫ້ເປັນໂຣກມະເຮັງ.
ປະເພດທີສອງ,ກິນຫົວຜັກຜະກາດກັບໝາກກ້ຽງ,ຈະພາໃຫ້ເປັນຄໍໜຽງ.
ຫົວຜະກາດມີເຍື້ອໃຍຫຼາຍ,ມີວິຕາມິນແລະຈຸນລະສານຫຼາຍຊະນິດ,ເຮັດໃຫ້ຮ່າງກາຍມີພູມຕ້ານທານແຂງແຮງ. ໃນຫົວຜະກາດມີນ້ຳມັນມັສຕາດ,ຈຶ່ງພາໃຫ້ມີລົດຮຶນ,ນ້ຳມັນມັສຕາດກັບເຊື້ອໝັກໃນຫົວຜະກາດປະສົມກັນຈະຊ່ອຍຊຸກຍູ້ການຄັ້ນຮູດຂອງກະເພາະລຳໄສ້.
ແຕ່ວ່າ,ຫົວຜະກາດຍັງຈະເກີດກົດໂລດານິກທີ່ຕ້ານຕ່ອມໜຽງ,ຖ້າກິນໝາກໄມ້ຕ່າງໆເຊັ່ນໝາກກ້ຽງແລະໝາກແອັບເປີນລົງໄປອີກຢ່າງຫຼວງຫຼາຍ,ວັດຖຸຟຼາໂວນອຍຈະປ່ຽນເປັນວັດຖຸທີ່ລະງັບບົດບາດຂອງຕອມໜຽງ,ແລ້ວພາໃຫ້ຕ່ອມໜຽງບວມ.
ປະເພດທີສາມແມ່ນກິນໄຂ່ໄກ່ກັບນ້ຳເຕົ້າຮູ້,ທາດໂປຼຕິນຈະຖືກຮັບເອົາໜ້ອຍລົງ.
ໃນນ້ຳເຕົ້າຮູ້ດິບມີວັດຖຸຢ່າງໜຶ່ງທີ່ລະງັບທາດຕິຼບຊິນ,ກະທົບກະເທືອນການຍ່ອຍແລະຮັບເອົາໂປຼຕິນໃນຮ່າງກາຍ,ໃນໄຂ່ຂາວມີໂປຼຕິນໜຽວ,ເມື່ອໄປປະສົມກັບຕຼິບຊິນໃນນ້ຳເຕົ້າຮູ້,ມັນຈະຂັດຂວາງການແຍກທາດໂປຼຕິນ,ເຮັດໃຫ້ຮ່າງກາຍຮັບເອົາໂປຼຕິນໄດ້ໜ້ອຍລົງ.
ນອກນີ້ ນ້ຳເຕົ້າຮູ້ຍັງຕ້ອງຕົ້ມໃຫ້ສຸກຄັກໆຈຶ່ງຄ່ອຍກິນໄດ້,ເພາະວ່າໃນນ້ຳເຕົ້າຮູ້ມີວັດຖຸທີ່ລະງັບຕຼິບຊິນ,ຖ້າໄຟບໍ່ແຮງເຖິງ 100 ອົງສາຂຶ້ນໄປ,ກິນແລ້ວຈະບໍ່ຍ່ອຍ,ຈະພາໃຫ້ຮາກແລະຖອກທ້ອງເປັນຕົ້ນ.
ສອງ,ນ້ຳເຕົ້າຮູ້ກິນຫຼາຍບໍ່ໄດ້. ຜູ້ໃຫຍ່ກິນເທື່ອໜຶ່ງຢ່າໃຫ້ກາຍ 500 ກຼາມ,ເດັກນ້ອຍກໍແຮ່ງຕ້ອງໃຫ້ກິນໜ້ອຍລົງ. ຖ້າກິນຫຼາຍ,ໂປຼຕິນຈະບໍ່ຍ່ອຍ,ຈະພາໃຫ້ຍື່ງທ້ອງແລະມີອາການບໍ່ສະບາຍອື່ນໆ.
ສາມ,ນ້ຳເຕົ້າຮູ້ບໍ່ຄວນໃສ່ນ້ຳຕານແດງ,ເຊັ່ນນ້ຳອ້ອຍ.ເພາະວ່າກົດອິນຊີໃນນ້ຳອ້ອຍປະສົມກັບໂປຼຕິນໃນນ້ຳເຕົ້າຮູ້,ຈະເກີດເປັນວັດຖຸຄ້າຍກັບຕະກອນ,ສ່ວນນ້ຳຕານຂາວພັດບໍ່ເປັນແນວນີ້.
ສີ່,ບໍ່ຄວນເອົາກະຕິກນ້ຳຮ້ອນໃສ່ນ້ຳເຕົ້າຮູ້. ເພາະມັນຈະພາໃຫ້ເກີດແມ່ພະຍາດ.
ອາຫານປະເພດທີຫ້າທີ່ບໍ່ຄວນກິນນຳກັນແມ່ນນົມງົວກັບໂຊໂກລາ.
ຖ້າເອົານົມງົວກິນປົນກັບໂຊໂກລາ,ການຊຽມໃນນົມງົວຈະປະສົມກັບກົດອອກຊາລິກໃນໂຊໂກລາ,ແລ້ວເກີດເປັນການຊຽມອັອກຊາລິກທີ່ບໍ່ລະລາຍໃນນ້ຳ,ກິນແລ້ວບໍ່ພຽງແຕ່ຮ່າງກາຍບໍ່ຮັບເອົາທໍ່ນັ້ນ ຫາກຍັງຈະເກີດອາການຖອກທ້ອງແລະຜົມແຫ້ງເປັນຕົ້ນ.
ອາຫານປະເພດທີຫົກທີ່ຫ້າມກິນນຳກັນແມ່ນໝາກໄມ້ກັບອາຫານທະເລ.
ຖ້າກິນອາຫານທະເລກັບໝາກໄມ້ໃສ່ກັນຈະພາໃຫ້ຖອກທ້ອງ. ອາຫານທະເລຕ່າງໆເຊັ່ນປາ,ກຸ້ງໄຄທະເລແລະອື່ນໆລ້ວນແຕ່ມີໂປຼຕິນແລະການຊຽມອຸດົມສົມບູນ,ແຕ່ຖ້າກິນກັບໝາກໄມ້ຕ່າງໆທີ່ມີກົດຕານນິກເຊັ່ນໝາກອະຫງຸ່ນ,ໝາກພິລາ,ແລະອື່ນໆ,ບໍ່ພຽງແຕ່ຈະຫຼຸດຄຸນຄ່າທາດບຳລຸງຂອງໂປຼຕິນທໍ່ນັ້ນ,ການຊຽມໃນອາຫານທະເລປະສົມກັບຕານນິກໃນໝາກໄມ້ຍັງຈະເກີດເປັນວັດຖຸທີ່ຍ່ອຍຍາກ. ວັດຖຸເຫຼົ່ານີ້ກະຕຸກກະເພາະລຳໄສ້,ຈະພາໃຫ້ຄົນຮູ້ສຶກບໍ່ສະບາຍ,ຜູ້ທີ່ອາການໜັກຈະພາໃຫ້ກະເພາະລຳໄສ້ອອກເລືອດ,ອາການເບົາຈະຮາກ,ວິນຫົວ,ເຈັບທ້ອງແລະຖອກທ້ອງ. ສະນັ້ນ ຫຼັງຈາກກິນອາຫານທະເລແລ້ວ,ບໍ່ຄວນກິນໝາກໄມ້ໃນທັນທີໂລດ.
ອາຫານປະເພດທີເຈັດທີ່ກິນນຳກັນບໍ່ໄດ້ແມ່ນຜັກຕີນເປັດກັບເຕົ້າຮູ້,ເພາະວ່າອາຫານສອງຊະນິດນີ້ພົບກັນຈະກາຍເປັນວັດຖຸທາດແຂງສີຂາວ,ບໍ່ພຽງແຕ່ເຮັດໃຫ້ຮ່າງກາຍຮັບເອົາການຊຽມບໍ່ໄດ້,ຍັງຈະພາໃຫ້ເປັນຫນິ້ວອີກ.
|