ຕາມຂ່າວCRI: ວັນທີ 11 ກັນຍາໃນເວລາເຂົ້າຮ່ວມງານລ້ຽງຄ່ຳທີ່ອົງການປົກຄອງເຂດພິເສດຮົງກົງຈັດຂຶ້ນ, ທ່ານເຈີງຊິ້ງຮົງ ຮອງປະທານປະເທດຈີນໄດ້ກ່າວຄຳປາໄສ, ຫວັງໃຫ້ພີ່ນ້ອງຮ່ວມຊາດຮົງກົງອອກຫົວຄິດແລະອອກເຫື່ອເທແຮງພ້ອມກັນສ້າງຮົງກົງໃຫ້ຈະເລີນຮຸ່ງເຮືອງແລະກົມກຽວກັນ.
ທ່ານ ເຈີງຊິ້ງຮົງເວົ້າວ່າ, ພາຍຫຼັງຮົງກົງກັບຄືນສູ່ປະເທດຊາດແລ້ວ, ສັງຄົມໄດ້ຮັກສາຄວາມໝັ້ນທ່ຽງຕໍ່ມາ, ຊາວໂລກຮັບຮູ້ຕໍ່ມາວ່ຮົງກົງແມ່ນໜຶ່ງທີ່ມີພະລັງຊີວິດທີ່ສຸດແລະມີກຳລັງແກ່ງແຍ່ງທີ່ສຸດໃນໂລກ. ຄວາມຈິງໄດ້ຢັ້ງຢືນທິດທາງປົກຄອງຕົນເອງໃນລະດັບສູງເຊັນ"ປະເທດດຽວສອງລະບອບ" "ໃຫ້ຊາວຮົງກົງປົກຄອງຮົງກົງນັ້ນ"ແມ່ນຖືກຕ້ອງຢ່າງສົມບູນ. ລັດຖະບານກາງຖືການປະຕິບັດທິດທາງດັ່ງກ່າວເປັນນະໂຍບາຍພື້ນຖານຍາວນານຂອງລັດ,ແລະຈະບໍ່ຫວັ່ນໄຫວຄອນແຄນແລະບໍ່ປ່ຽນແປງໂດຍບໍ່ວ່າໃນເວລາໃດແລະໃຕ້ສະພາບໃດໆ.
ທ່ານເວົ້າວ່າ, ຮົງກົງພວມປະເຊີນໂອກາດທີ່ຫາຍາກໃນການບັນລຸການພັດທະນາໃຫຍ່ຫຼວງກວ່າເກົ່າ, ຫວັງໃຫ້ພີ່ນ້ອງຮ່ວມຊາດຮົງກົງຈົ່ງກຳໂອກາດ, ເລັ່ງລັດພັດທະນາ, ອອກຫົວຄິດແລະອອກເຫື່ອເທແຮງພ້ອມກັນສ້າງຮົງກົງໃຫ້ຈະເລີນຮຸ່ງເຮືອງແລະກົມກຽວກັນ.
|