|
|
 |
| (GMT+08:00)
2005-09-12 17:13:03
|
 |
|
ອິດສະລະແອນສຳເລັດການຖອນທະຫານອອກຈາກແຖບກາຊາ
cri
Author: zhangshuo
ຕາມຂ່າວCRI:ຕອນຂ້ອນແຈ້ງວັນທີ12ກັນຍາ,ອິດສະລະແອນໄດ້ສຳເລັດການຖອນທະ ຫານອອກຈາກແຖບກາຊາ,ແລ້ວປະກາດສິ້ນສຸດການຍຶດຄອງທາງການທະຫານຢູ່ແຖບກາຊາທີ່ເປັນເວລາ38ປີ.
ລະຫວ່າງ7ໂມງເຊົ້າມື້ດຽວກັນ,ໂດຍຄຽງຄູ່ກັບທະຫານອິດສະລະແອນຜູ້ສຸດທ້າຍຖອນອອກຈາກກາຊາ,ກອງທະຫານອິດສະລະແອນໄດ້ປິດສະຖານີກວດກາກິຊູຟິມຂອງອິດສະລະແອນທີ່ໄປແຖບກາຊາ,ແລ້ວປະກາດວ່າການຖອນທະຫານອອກຈາກກາຊາສິ້ນສຸດລົງ.ໃນພິທີຊັກທຸງຂຶ້ນເສົາທີ່ຈັດຂຶ້ນຢູ່ຂ້າງຊາຍແດນອິດສະລະແອນຕໍ່ຈາກນັ້ນ, ທ່ານໂກຊາວີ ຜູ່ບັນຊາການສູງສຸດແຖບກາຊາຂອງກອງທະຫານອິດສະລແອນເວົ້າວ່າ,ໃນຕໍ່ໄປພາຍໜ້າ,ແຖບກາຊາຈະໃຫ້ຝ່າຍປາເລັດສະຕິນຮັບຜິດຊອບທັງໝົດ,ກອງທະຫານອິດສະ ລະແອນຈະຈັດວາງຄືນໃໝ່ຢູ່ຕາມເສັ້ນຊາຍແດນແຖບກາຊາກັບອິດສະລະແອນຂ້າງຝ່າຍອິດສະລະແອນ.
ຕອນຄ່ຳວັນທີ11ກັນຍາ,ທ່ານອາບາສ ປະທານອົງການອຳນາດແຫ່ງຊາດປາເລັດສະຕິນ ກ່າວຢູ່ແຖບກາຊາວ່າ,ອິດສະລະແອນຖອນທະຫານອອກຈາກແຖບກາຊາບໍ່ໝາຍຄວາມວ່າຝ່າຍອິດສະລະແອນໄດ້ສິ້ນສຸດການຍຶດຄອງຢູ່ແຖບກາຊາແລ້ວ.ແຖບກາຊາຍັງເປັນ ຄຸກໃຫຍ່ແຫ່ງໜຶ່ງ.
|
|
|
