|
|
 |
| (GMT+08:00)
2005-09-13 15:37:04
|
 |
|
ສັນລະເສີນຄູ(ສຽງ)
cri
Author: hb
|
ທີ່ນີ້ວິທະຍຸສາກົນແຫ່ງປະເທດຈີນທ່ານຜູ່ຟັງທີ່ເຄົາລົບ ສະບາຍດີ ຂ້າພະເຈົ້າແມ່ນແສງແກ້ວຊົມເຊີຍທ່ານເຂົ້າສູ່ລາຍການຢ່ອນອາລົມໃນວັນເສົາ ວັນທີ10ກັນຍາແມ່ນວັນຄູຂອງຈີນ. ໃນລາຍການມື້ນີ້ ພວກເຮົາໄດ້ຈັດເອົາເພງປະມວນໜຶ່ງ ທີ່ສັນລະເສີນຄູສູ່ທ່ານຟັງ.
ຖືໂອກາດວັນບຸນນີ້ ,ພວກເຮົາຂໍສົ່ງຄວາມຖາມຂ່າວມາຍັງຄູອາຈານທີ່ເຄົາລົບຮັກແພງໝົດສູ່ຄົນ.ກ່ອນອື່ນ ເຊີນຟັງເພງ laoshinihaoສະບາຍດີ ຄູ.
ຕໍ່ໄປ ເຊີນ ຟັງເພງjiaoshisongສັນລະເສີນຄູ, ຂັບຮ້ອງໂດຍຄະນະຮ້ອງຮວມໝູ່ຂອງວົງດົນຕິກວງໂຈ່ວ.
ທີ່ທ່ານພວມຟັງຢູ່ນີ້ແມ່ນເພງສັນລະເສີນຄູ ເພງນີ້ເປັນເພງລະບາຍ ອາລົມ,ສັນລະເສີນຄູຢ່າງຈິງໃຈ, ເນື້ອເພງມີຢູ່ວ່າ, ຄູສອນນັກຮຽນດ້ວຍຄວາມດຸໝັ່ນ , ທຸກວັນເດືອນປີບໍ່ມີເວັ້ນ, ບຳລຸງສ້າງຜູ່ມີຄວາມຮູ້ຄວາມສາມາດໃຫ້ແກ່ປະເທດຊາດ,ອຸທິດຕົນເອງຢ່າງມີກຽດ.
ຄູແມ່ນຜູ້ພາທາງທີ່ສຳຄັນບົນເສັ້ນທາງແຫ່ງຊີວິດຂອງທຸກໆຄົນ, ເປັນ ໜ້າເຄົາລົບນັບຖືແລະບໍ່ມີວັນລືມເພິ່ນໄດ້. ບົນເສັ້ນທາງແຫ່ງຊີວິດຂອງພວກ ເຮົາ, ຄູກໍຄືປະພາຄານ ເຍືອງທາງໃຫ້ເຮົາກ້າວໄປສູ່ທິດທີ່ຖືກຕ້ອງ, ຄວາມເວົ້າພັນຄວາມໝື່ນຄວາມກໍບໍ່ສາມາດສະແດງນ້ຳໃຈຂອງເຮົາ.ຂໍເວົ້າແຕ່ຄວາມ ດຽວຢ່າງສຸດໃຈວ່າ ຂອບໃຈ ຄູ.ເຊີນຟັງເພງ ganxieyounilaoshi ຂອບໃຈ ຄູ.
ຢູ່ຈີນ ມັກປຽບຄູອາຈານເປັນຄືຄົນເຮັດສວນ ປູກເບ້ຍໄມ້ຢ່າງດຸໝັ່ນຂະຫຍັນພຽນ,ທັງປຽບຄູເປັນທຽນໄຂ,ໄໝ້ຕົນເອງ,ເຍືອງທາງໃຫ້ຜູ້ອື່ນ. ຕໍ່ໄປນີ້ ທ່ານຈະໄດ້ຟັງເພງ changgeilaoshidege，ເພງທີ່ຮ້ອງໃຫ້ຄູຟັງ. ກໍແມ່ນເພງທີ່ຍ້ອງຍໍສັນລະເສີນນ້ຳໃຈອຸທິດຕົນຢ່າງບໍ່ເຫັນແກ່ຕົວຂອງຄູ. ຂັບຮ້ອງໂດຍ ນາງລຽງນິງ.
ໃນເພງມີເນື້ອຮ້ອງວ່າ, ຊາວສວນຜູ່ດຸໝັ່ນ ພຽນໃຈ ປູກເບ້ຍ ໄມ້ເປັນພັນເປັນໝື່ນ. ໂອ້！ຄູທີ່ເຄົາລົບຮັກ ຄູລືມຕົນເອງ ລືມຄວາມອິດເມື່ອຍ,ຄູເໝືອນດັ່ງທຽນໄຂ ໄໝ້ຕົນເອງເຍືອງທາງໃຫ້ຄົນຮຸ່ນຫຼັງ.
ຕໍ່ໄປເຊີນຟັງເພງຮ້ອງຮວມໝູ່ໂດຍສຽງເດັກນ້ອຍ dangwozoujinketangເມື່ອຂ້ອຍຍ່າງເຂົ້າຫ້ອງຮຽນ.ຂັບຮ້ອງໂດຍຄະນະຮ້ອງຮວມໝູ່ວັງອະນຸຊົນເສີນຕູຈີນ. ພວກເດັກນ້ອຍໄດ້ໃຊ້ສຽງອັນອ່ອນໂຍນອົບອຸ່ນ, ວາດພາບຄູ ຖ່າຍທອດຄວາມຮູ້ໃຫ້ພວກເດັກນ້ອຍໃນຫ້ອງຮຽນ, ສອນໃຫ້ພວກເດັກນ້ອຍ ໃຫຍ່ກ້າໜ້າບານ
ສຸດທ້າຍ ເຊີນຟັງເພງzhangdahouwojiuchengleni ເມື່ອເຕີບໃຫຍ່ແລ້ວ ຂ້ອຍກໍຄືເຈົ້າ.ເພງນີ້ເວົ້າເຖິງຄຸນງາມຄວາມດີຂອງຄູທີ່ໃຊ້ກະດານດຳ ສໍຂາວ ເວທີສອນແລະອື່ນໆໃນຫ້ອງຮຽນ,ບຳລຸງສ້າງຄົນຮຸ່ນໃໝ່ໃຫ້ແກ່ສັງຄົມ,ສັນລະເສີນນ້ຳໃຈອຸທິດຕົນຂອງຄູທີ່ບໍ່ມີການຈົ່ມວ່າແລະກິນແໜງແຄງໃຈ.ເພງນີ້ກໍ່ສະແດງໃຫ້ເຫັນວ່າ, ປະຊາຊົນເຄົາລົບນັບຖືແລະຮັກແພງຄູ.
ໃນເນື້ອຮ້ອງມີຄວາມໝາຍວ່າ,ໃນຍາມຍັງນ້ອຍ,ຂ້ອຍຄຶດວ່າ,ຄູສະຫງ່າຜ່າເຜີຍຫຼາຍ,ເວົ້າຄວາມໃດກໍສະເທືອນຟ້າດິນ,ເມື່ອໃຫຍ່ແລ້ວຂ້ອຍໄດ້ກາຍເປັນຄູ,ຈຶ່ງຮູ້ວ່າໃນຫ້ອງຮຽນນັ້ນ ນັກຮຽນເໝືອນກັບນົກນ້ອຍແຫ່ງຄວາມຫວັງ,ເມື່ອຮຽນຈົບແລ້ວກໍປ່ອຍໃຫ້ບິນອອກໄປ,ແຕ່ຜູ້ເຝົ້າຮັງນັ້ນແມ່ນຄູຢູ່ສະເໝີ.ເມື່ອໃຫຍ່ແລ້ວຂ້ອຍໄດ້ກາຍເປັນຄູ ຈຶ່ງຮູ້ວ່າຄວາມທີ່ຂຽນໃສ່ກະດານດຳແຜ່ນນັ້ນ,ແມ່ນສັດຈະທຳ,ແຕ່ສິ່ງທີ່ລຶບໄປນັ້ນແມ່ນຄວາມເຫັນແກ່ຄຸນປະໂຫຍດ. ເມື່ອໃຫຍ່ແລ້ວ ຂ້ອຍຈຶ່ງຮູ້ວ່າ ຜູ້ທີ່ຕົນຊ່ວຍຊູຍູ້ໜູນນັ້ນແມ່ນຜູ່ອື່ນ,ສິ່ງທີ່ອຸທິດໄປນັ້ນແມ່ນຕົນເອງ.
ທ່ານຜູ້ຟັງ ທີ່ຟັງມານັ້ນແມ່ນເພງສັນລະເສີນຄູ.ລາຍການເທື່ອນີ້ຂໍຈົບລົງພຽງທໍ່ນີ້ ຂອບໃຈທ່ານທີ່ໄດ້ຮັບຟັງ ,ສະບາຍດີ!
|
|
|
