|
ຈີນເອົາໃຈໃສ່ຊຸກຍູ້ການປະດິດສ້າງການຄຸ້ມຄອງສັງຄົມຢູ່ສະເໝີ
cri
ຕາມຂ່າວcri, ວັນທີ13ກັນຍາຢູ່ນະຄອນຫຼວງປັກກິ່ງ, ທ່ານຮວາຈຽນມີນ ທີ່ປຶກສາແຫ່ງລັດຈີນກ່າວວ່າ, ຈີນທີ່ເປັນປະເທດພວມພັດທະນາ, ສຸດທີ່ເອົາ ໃຈໃສ່ນຳການພັດທະນາພາລະກິດສັງຄົມ, ເອົາໃຈໃສ່ຊຸກຍູ້ການປະດິດສ້າງ ການຄຸ້ມຄອງສັງຄົມຢ່າງສະເໝີຕົ້ນສະເໝີປາຍ.
ໃນເວລາເຂົ້າຮ່ວມພິທີໄຂກອງປະຊຸມເວທີປາໄສຊັ້ນສູງກ່ຽວກັບການ ຄຸ້ມຄອງຂອງລັດຖະບານຈີນເອີລົບຄັ້ງທີ2, ທ່ານ ຮວາຈຽນມີນກ່າວວ່າ, ປັດຈຸບັນ,ຈີນໄດ້ສ້າງລະບອບປະກັນສັງຄົມທີ່ຖືການປະກັນໄພບຳນານ ປະກັນໄພຫວ່າງງານ ແລະປະກັນໄພສຸຂະພາບເປັນເນື້ອໃນຕົ້ນຕໍ, ໄດ້ມີຄວາມກ້າວໜ້າໃນດ້ານຕ່າງໆ, ຄື ຄວບຄຸມການເພີ່ມຂຶ້ນຂອງປະຊາກອນ, ຫຼຸດຜ່ອນຄວາມທຸກຍາກ,ເຜີຍແຜ່ການສຶກສາທົ່ວໄປ, ເພີ່ມຕຳແໜ່ງປະກອບ ອາຊີບ, ອະນຸລັກສິ່ງແວດລ້ອມແລະອື່ນໆ.
ເວທີປາໄສຄັ້ງນີ້ຈັດຂຶ້ນຢູ່ປັກກິ່ງແຕ່ວັນທີ13ຫາວັນທີ15ກັນຍາ. ເຈົ້າໜ້າທີ່ລັດຖະບານພ້ອມດ້ວຍຊ່ຽວຊານແລະນັກປາດຈີນເອີລົບຈະຖືການປະດິດສ້າງການຄຸ້ມຄອງສັງຄົມເປັນຫົວຂໍ້, ຄົ້ນຄວ້າຫາລືກັນກ່ຽວກັບຫົວຂໍ້ທີ່ສອງຝ່າຍສົນໃຈນຳກັນ.
|
|
