|
ງານເອັກສໂປຈີນອາຊຽນຄັ້ງທີ2ຈະຈັດຂຶ້ນໃນເດືອນຕຸລາຢູ່ເມືອງນານນິງເຂດກວງຊີ
cri
ຕາມຂ່າວcri, ວັນທີ15ກັນຍາ, ໃນງານຖະແຫຼງຂ່າວທີ່ຈັດໂດຍຫ້ອງການຖະແຫຼງຂ່າວຂອງຄະນະລັດຖະບານຈີນ, ທ່ານຟູຈື້ຢີງ ຜູ້ຊ່ວຍລັດຖະມົນຕີກະຊວງການຄ້າຈີນເຜີຍໃຫ້ຮູ້ວ່າ, ງານເອັກສໂປຈີນອາຊຽນຄັ້ງທີ2ຈະຈັດຂຶ້ນແຕ່ວັນທີ19ຫາວັນທີ22ຕຸລາຢູ່ນະຄອນນານນິງ ເມືອງເອກເຂດກວງຊີຊົນເຜົ່າຈ້ວງປົກຄອງຕົນເອງຂອງຈີນ, ພ້ອມກັນນັ້ນຍັງຈະຈັດກອງປະຊຸມສຸດຍອດການຄ້າແລະການລົງທຶນຈີນອາຊຽນຄັ້ງທີ2.
ທ່ານ ຟູຈື້ຢີງກ່າວວ່າ, ງານເອັກສໂປຈີນອາຊຽນຄັ້ງທີ2ຈະປະສານສົມທົບກັບແຜນການຫຼຸດພາສີແຫ່ງເຂດການຄ້າເສລີຈີນອາຊຽນຢ່າງຮອບ ດ້ານ, ເປີດກວ້າງຂະໜາດຢ່າງພໍດ້າມພໍດີ, ຕອບສະໜອງຄວາມຮຽກຮ້ອງຕ້ອງການຂອງວົງການການຄ້າບັນດາປະເທດທີ່ເປີດກວ້າງຕະຫຼາດຕື່ມອີກເນື່ອງໃນໂອກາດຫຼຸດພາສິ.
|
|
