|
|
(GMT+08:00)
2005-09-15 18:19:49
|
|
4 ປະເທດອາຊີອາຄະເນເລີ່ມບິນລາດຕະເວນເທິງອາກາດຂອງຊ່ອງແຄບມາລັກກາ(ສຽງ)
cri
Author: da
ເພື່ອໃຫ້ການເດີນເຮືອຢູ່ຊ່ອງແຄບມາລັກກາມີຄວາມປອດໄພຕື່ມອີກ,ໂຈມຕີໂຈນທະເລ ການປຸ້ນສະດົມດ້ວຍກຳລັງອາວຸດແລະການເຄື່ອນໄຫວກໍ່ການຮ້າຍ,ວັນທີ 13 ກັນຍາ ອິນໂດເນເຊຍ ສິງກະໂປ ມາເລເຊຍ ປະເທດແຄມຝັ່ງຊ່ອງແຄບແລະໄທ ປະເທດໃກ້ຄຽງໄດ້ເລີ່ມບິນລາດຕະເວນເທິງອາກາດຮ່ວມຊ່ອງແຄບມາລັກກາ.ນີ້ແມ່ນມາດຕະການໃໝ່ຂອງປະເທດເຫຼົ່ານີ້ເພື່ອເຮັດໃຫ້ການເດີນເຮືອຢູ່ຊ່ອງແຄບມີຄວາມປອດໄພຕື່ມອີກ ພາຍຫຼັງສາມປະເທດແຄມຝັ່ງຊ່ອງແຄບຮ່ວມກັນລາດຕະເວນເທິງທະເລໃນເດືອນກໍລະກົດປີກາຍນີ້ເປັນຕົ້ນມາ.
ໂດຍແນໃສ່ການລາດຕະເວນທາງອາກາດທີ່ຊາວໂລກສົນໃຈນຳເທື່ອນີ້,ຫວ່າງມໍ່ໆນີ້ ນັກຂ່າວຊິນຮວາໄດ້ສຳພາດທ່ານພັນເອກຊູຢາ ວີລັນໂຕ ຜູ້ຊ່ວຍວຽກພະແນກວຽກງານສູ້ລົບຂອງກອງບັນຊາການກອງກ່ຳປັ່ນລົບພາກຕາເວັນຕົກກອງທັບເຮືອອິນໂດເນເຊຍ.ທ່ານຊູຢາເວົ້າວ່າ, 4 ປະເທດຮ່ວມກັນລາດຕະເວນເທິງອາກາດແມ່ນມາເລເຊຍສະເໜີອອກມາກ່ອນເພິ່ນໃນເດືອນສິງຫາປີນີ້,ແລະໄດ້ຮັບການຕອບສະໜອງຈາກປະເທດທີ່ກ່ຽວຂ້ອງ,ຈຸດປະສົງຕົ້ນຕໍແມ່ນເພື່ອຊອກຮູ້ສະພາບຊ່ອງແຄບມາລັກກາຈາກອາກາດ,ກຳຂ່າວຄາວໂດຍໄວ,ເພື່ອຮັບປະກັນຄວາມປອດໄພຂອງຊ່ອງແຄບ.ນີ້ແມ່ນການກະທຳທີ່ສຳຄັນສຳຄັນທີ່ຫຼາຍປະເທດຮ່ວມກັນລາດຕະເວນຢູ່ຊ່ອງແຄບມາລັກກາ,ການລາດຕະເວນໃນເມື່ອກ່ອນ ແມ່ນບັນດາປະເທດຈັດວາງແລະບັນຊາກອງກ່ຳປັ່ນລົບແລະຍົນຂອງໃຜຂອງລາວ.
ທ່ານຊູຢາແນະນຳວ່າ,ກອງຍົນລາດຕະເວນທີ່ປະກອບດ້ວຍກອງທັບອາກາດຂອງ 4 ປະເທດດັ່ງກ່າວນີ້ ຈະປະຕິບັດໜ້າທີ່ລາດຕະເວນຂ້າມຊາຍແດນຢູ່ນ່ານຟ້າຊ່ອງແຄບມາລັກກາແລະສິງກະໂປທຸກມື້.ກອງລາດຕະເວນຈະໄດ້ຮັບການສະໜັບສະໜູນທາງອາກາດຂອງຍົນສອດແນມທີ່ນຳໂດຍຜູ້ບັນຊາການ 4 ປະເທດ. ບົດບາດລາດຕະເວນເທິງອາກາດແມ່ນຢູ່ບ່ອນວ່າ ສາມາດພົບເຫັນເຫດການກະທັນຫັນເທິງທະເລໄວກວ່າເກົ່າແລະໃຊ້ມາດຕະການຮັບມືໂດຍໄວເທົ່າທີ່ຈະໄວໄດ້.ທຸກປະເທດກໍເຫັນດີແຕ່ງກອງກ່ຳປັ່ນລົບ 5 ລຳແລະຍົນສອດແນມ 2 ລຳເຂົ້າຮ່ວມໜ້າທີ່ລາດຕະເວນ, ໃນແຕ່ລະອາທິດ ທຸກປະເທດຕ້ອງລາດຕະເວນສອງມື້.
ທ່ານຍົກຕົວຢ່າງວ່າ,ຖ້າເກີດເຫດການສຸເສີນຢູ່ນ່ານນ້ຳອິນໂດເນເຊຍ,ຍົນສອດແນມຈະລາຍງານຕໍ່ກອງບັນຊາສູ້ລົບກອງທັງອາກາດທີ່ຢູ່ຢາກາກຕາ,ແລ້ວລາຍງານໃຫ້ກອງທະຫານພິເສດຄວາມປອດໄພເທິງທະເລທີ່ຢູ່ເກາະປາຕຳຊາບ,ຖັດມາ ກອງທະຫານພິເສດກອງນີ້ ຈະຕິດຕໍ່ກັບກອງກ່ຳປັ່ນລາດຕະເວນທີ່ຢູ່ເຂດນ້ຳມໍ່ກັບບ່ອນເກີດເຫດ ເພື່ອຕິດຕາມແລະໃຊ້ການເຄື່ອນໄຫວອັນຈຳເປັນ.ຍ້ອນວ່າການລາດຕະເວນທາງນ້ຳແລະທາງອາກາດປະສານສົມທົບກັນເປັນຢ່າງດີ,ກ່ຳປັ່ນຂອງໂຈນທະເລຢາກຈະໜີຈາກສາຍຕາຂອງທະຫານລາດຕະເວນກໍຍາກ.
ໃນເວລາກ່າວເຖິງບັນຫາການຊ່ອຍເຫຼືອຂອງຕ່າງປະເທດຕໍ່ການລາດຕະເວນຢູ່ຊ່ອງແຄບນັ້ນ,ທ່ານຊູຢາເວົ້າວ່າ,ປະເທດຢູ່ແຄມຝັ່ງຊ່ອງແຄບຫວັງໃຫ້ຕ່າງປະເທດສະໜອງການຊ່ອຍເຫຼືອໃນດ້ານອົບຮົບພະນັກງານແລະເຕັກນິກ,ຈີນແລະຍີ່ປຸ່ນກໍໄດ້ສະແດງວ່າ ຍິນດີໃຫ້ການຊ່ອຍເຫຼືອໃນດ້ານນີ້. ແຕ່ທ່ານກ່າວເນັ້ນວ່າ,ໜ້າທີ່ລາດຕະເວນປະຈຳວັນຢູ່ຊ່ອງແຄບ ຄວນໃຫ້ອິນໂດເນເຊຍ ມາເລເຊຍ ສິງກະໂປແລະໄທຮັບຜິດຊອບນຳກັນ.
ຊ່ອງແຄບມາລັກກາຍາວປະມານ 900 ກິໂລແມັດ,ກວ້າງ 5,4 ກິໂລແມັດ,ສະເລ່ຍແລ້ວ ນ້ຳທະເລເລິກ 25 ຫາ 27 ແມັດ,ທິດຕາເວັນອອກຕິດກັບທະເລຈີນ,ທິດຕາເວັນຕົກຕິດກັບທະເລອັນດາມັນ,ເຊື່ອມຕໍ່ກັບມະຫາສະໝຸດປາຊິຟິກກັບມະຫາສະໝຸດອິນເດຍ.ປະຈຸບັນ,ການຂົນສົ່ງນ້ຳມັນເຊື້ອໄຟຜ່ານຊ່ອງແຄບມາລັກກາ ໄດ້ກວມການຂົນສົ່ງນ້ຳມັນເຊື້ອໄຟທົ່ວໂລກເຄິ່ງໜຶ່ງ,ການຂົນສິນຄ້າກວມ 1 ສ່ວນ 3 ຂອງທົ່ວໂລກ.ຕາມຂ່າວແຈ້ງວ່າ,ແຕ່ລະປີ ມີເຮືອພຽງ 8 ໝື່ນກວ່າລຳຜ່ານຊ່ອງແຄບດັ່ງກ່າວ,ແຕ່ລະມື້ມີ 220 ລຳ.ພ້ອມກັນນັ້ນ ແຕ່ໃດມາ ຊ່ອງແຄບມາລັກກາກໍແມ່ນພູມທະເລທີ່ໂຈນທະເລເຄື່ອນໄຫວຢ່າງປ່ວງບ້າທີ່ສຸດແລະເກີດເຫດການເທິງທະເລຫຼາຍທີ່ສຸດ,ຕາມເວົ້າວ່າ ເຫດການໂຈນທະເລຫຼອນໂຈມຕີໃນທົ່ວໂລກ ມີ 60% ແມ່ນເກີດຂຶ້ນຢູ່ແຫ່ງນີ້.ໃນຫຼາຍປີມານີ້,ໂຈນທະເລຕ້ອງໂທດຢ່າງເນື່ອງນິດທີ່ສຸດ ການຄ້າຢາເສບຕິດແລະຂົນສົ່ງອາວຸດທີ່ບໍ່ຖືກຕ້ອງຕາມກົດໝາຍຢູ່ຊ່ອງແຄບແຫ່ງນີ້ ກໍໜັກໜ່ວງກວ່າເກົ່າ,ອັນໄດ້ຂົ່ມຂູ່ຄວາມປອດໄພຂອງການຂົນສົ່ງທາງທະເລ ການພັດທະນາເສດຖະກິດ ແລະສະຖຽນລະພາບສັງຄົມຢູ່ແຄມຝັ່ງທະເລຢ່າງໜັກໜ່ວງ.
ອີງຕາມ"ສົນທິສັນຍາກົດໝາຍທະເລຂອງສະຫະປະຊາຊາດ",ຊ່ອງແຄບມາລັກກາແລະສິງກະໂປແມ່ນຊ່ອງທາງເດີນເຮືອສາກົນ,ແຕ່ວ່າ ປະເທດແຄມຝັ່ງທະເລຍັງມີອະທິປະໄຕຢູ່ເໜືອເຂດທະເລຂອງຕົນເອງ,ແລະມີພັນທະປົກປັກຮັກສາຄວາມປອດໄພແລະປ້ອງກັນປະເທດທີ່ນຳໃຊ້ຊ່ອງແຄບ.
ແຕ່ເດືອນກໍລະກົດປີກາຍນີ້ເປັນຕົ້ນມາ,ສິງກະໂປ ມາເລເຊຍແລະອິນໂດເນເຊຍທີ່ຢູ່ແຄມຝັ່ງຊ່ອງແຄບມາລັກກາກໍໄດ້ເລີ່ມຮ່ວມກັນລາດຕະເວນເທິງທະເລຢູ່ຊ່ອງແຄບດັ່ງກ່າວ.ທ່ານຊູຢາ ວີລັນໂຕເວົ້າວ່າ,ການຮ່ວມກັນລາດຕະເວນເທິງທະເລໄດ້ຮັບຜົນແລ້ວ,ເຫດການຕ້ອງໂທດເທິງທະເລໄດ້ຫຼຸດໜ້ອຍລົງຢ່າງເດັ່ນຊັດ.ທ່ານຊູຢາຍັງເຜີຍໃຫ້ຮູ້ວ່າ,ເພື່ອເປີດກວ້າງຂອບເຂດລາດຕະເວນຮ່ວມກັນ, 4 ປະເທດໄດ້ເຫັນດີສ້າງຕັ້ງສະຖານີຕິດຕໍ່ສາຍຮ້ອນ 5 ແຫ່ງຢູ່ພູເກັດຂອງໄທ ລູມຸດຂອງມາເລເຊຍ ຊັງອິຂອງສິງກະໂປ ຊາບັງແລະດູມາຍຂອງອິນໂດເນເຊຍ. ພ້ອມກັນນັ້ນ,ເຮືອທີ່ແລ່ນຜ່ານຊ່ອງແຄບ ຍັງສາມາດຕິດຕໍ່ກັບກອງລາດຕະເວນຮ່ວມດ້ວຍວິທະຍຸໂດຍກົງ.
|
|
|