|
|
 |
| (GMT+08:00)
2005-09-17 18:53:37
|
 |
|
ການພັດທະນາຂອງຈີນຈະສະໜອງຕະຫຼາດກວ້າງກວ່າເກົ່າແລະໂອກາດການຄ້າຫຼາຍກວ່າເກົ່າໃຫ້ປະເທດອາຊີ
cri
Author: da
ຕາມຂ່າວສານຊິນຮວາ: ວັນທີ 16 ກັນຍາ ຢູ່ປັກກິ່ງ ທ່ານນາງອູອີ ຮອງນາຍົກລັດຖະມົນຕີຈີນເວົ້າວ່າ,ຈີນກັບປະເທດອາຊີດຳເນີນການຮ່ວມມືກັນຍັງມີກຳລັງບົ່ມຊ້ອນອັນໃຫຍ່ຫຼວງ, ການພັດທະນາຂອງຈີນຈະສະໜອງຕະຫຼາດກວ້າງກວ່າເກົ່າແລະໂອກາດການຄ້າຫຼາຍກວ່າເກົ່າໃຫ້ປະເທດອາຊີ.
ທ່ານນາງອູອີແມ່ນໃຫ້ທັດສະນະດັ່ງກ່າວໃນເວລາພົບປະຄະນະຜູ້ແທນນັກທຸລະກິດສະມາຄົມຜູ້ນຳວິສາຫະກິດອາຊີ.ທ່ານນາງອູອີຫວັງໃຫ້ນັກທຸລະກິດທີ່ມາຢາມຈົ່ງເສີມຂະຫຍາຍບົດບາດອັນຕັ້ງໜ້າກວ່າເກົ່າໃນການຊຸກຍູ້ການຮ່ວມມືດ້ານເສດຖະກິດການຄ້າລະຫວ່າງຈີນກັບປະເທດແລະເຂດແຄວ້ນອາຊີ ຊຸກຍູ້ການພັດທະນາເສດຖະກິດຂອງພາກພື້ນແລະຂອງໂລກ.
ທ່ານດານາບາລັນ ຫົວໜ້າຄະນະຜູ້ແທນ ປະທານສະມາຄົມຜູ້ນຳວິສາຫະກິດອາຊີເວົ້າວ່າ,ເສດຖະກິດຈີນມີບົດບາດນັບມື້ນັບສຳຄັນໃນເສດຖະກິດທົ່ວໂລກ,ທັງໄດ້ປະກອບສ່ວນທີ່ສຳຄັນຕໍ່ການພັດທະນາແລະສະຖຽນລະພາບຂອງເສດຖະກິດ ອາຊີ.
|
|
|
